കോഴിക്കോട് : ഉയര്ന്ന ശമ്പളത്തില് ജോലി വാഗ്ദാനം ചെയ്ത് മലയാളി ഡോക്ടറെ നഴ്സ് പീഡിപ്പിച്ചു. മൈസൂരുവിലെ സ്വകാര്യ ആശുപത്രിയില് ഡോക്ടറായ യുവതിയെയാണ്, അതേ ആശുപത്രിയിലെ നഴ്സായ മലയാളി യുവാവ് കോഴിക്കോടെത്തിച്ച് പീഡിപ്പിച്ചത്. പ്രതി തൃശൂര് സ്വദേശി നിഷാം ബാബുവിനായി കോഴിക്കോട് കസബ പൊലീസ് അന്വേഷണം ഊര്ജിതമാക്കി.
കഴിഞ്ഞ വര്ഷം ഡിസംബര് 30 നാണ് സംഭവം. മൈസൂരുവിലെ സ്വകാര്യ ആശുപത്രിയില് ജോലി ചെയ്തിരുന്ന ഡോക്ടറെ, നഴ്സായ ഇരുപത്തിനാലുകാരന് കോയമ്പത്തൂരിലെ സ്വകാര്യ ആശുപത്രിയില് മെച്ചപ്പെട്ട ജോലി തരപ്പെടുത്തി നല്കാമെന്ന് പറഞ്ഞ് കോയമ്പത്തൂരിലേക്കു കൊണ്ടുപോകാനായിരുന്നു ശ്രമം. ഇതിനായി കോഴിക്കോട്ട് എത്തി, സ്വകാര്യ ഹോട്ടലില് മുറിയെടുത്ത ശേഷമായിരുന്നു പീഡനം. ഇത് സംബന്ധിച്ച് ഡോക്ടര് പരാതി നല്കുകയായിരുന്നു.
