ഈ വര്ഷം വരാനിരിക്കുന്ന പുതിയ വാട്ട്സ് ആപ്പ് ഫീച്ചറുകളെ കുറിച്ചുള്ള റിപ്പോര്ട്ട് പുറത്ത്. വാട്ട്സ് ആപ്പ് കമ്യൂണിറ്റീസ്, അവതാര്, സെല്ഫ് ചാറ്റ് ഫീച്ചര്, വ്യൂ വണ്സ് ടെക്സ്റ്റ് എന്നിങ്ങനെ ഉപയോക്താക്കള് കാത്തിരുന്ന ഒരുപിടി നല്ല ഫീച്ചറുകളാണ് വാട്ട്സ് ആപ്പ് അവതരിപ്പിക്കാന് ഇരിക്കുന്നത്.
വാട്സ് ആപ്പ് കമ്യൂണിറ്റിയില് ഉപയോക്താക്കളുടെ സുരക്ഷ വര്ധിപ്പിക്കുന്ന ഫീച്ചറാണ് വരാനിരിക്കുന്നത്. കമ്യൂണിറ്റി ഗ്രൂപ്പില് ആഡ് ചെയ്യപ്പെട്ടാല് ഗ്രൂപ്പിലെ ആര്ക്കെല്ലാം തങ്ങളെ വാട്ട്സ് ആപ്പ് കോള് ചെയ്യാന് സാധിക്കുമെന്ന് നിയന്ത്രിക്കാനുള്ള അധികാരം ഉപയോക്താവിന് നല്കുന്നതാണ് ഫീച്ചര്.
മറ്റൊന്ന് ബുക്ക്മാര്ക്ക് ഫീച്ചറാണ്. ഡിസപ്പിയറിംഗ് മെസേജുകളില് ബുക്ക്മാര്ക്ക് ഫഈച്ചര് ഓണ് ചെയ്താല് ഇവ ചാറ്റില് നിന്ന് പോകില്ല. ഇതിലൂടെ അനാവശ്യ മെസേജുകള് ഡിസപ്പിയര് ആവുകയും, ബുക്ക്മാര്ക്ക് ചെയ്തിട്ടവ ചാറ്റില് സുരക്ഷിതമായി കിടക്കുകയും ചെയ്യും.
സന്ദേശങ്ങള് തിയതി വച്ച് സര്ച്ച് ചെയ്ത് എടുക്കാന് കഴിയുന്ന ഫീച്ചറാണ് മറ്റൊന്ന്. ഒപ്പം വ്യൂ വണ്സ് ഫോട്ടോ പോലെ ടെക്സ്റ്റ് മെസേജും വ്യൂ വണ്സ് ആകും.