കൊച്ചി: ടിപി ചന്ദ്രശേഖരന് വധക്കേസില് ജയിലില് കഴിയുന്ന പികെ കുഞ്ഞനന്തനും അഭിഭാഷകനും ഹൈക്കോടതിയുടെ വിമര്ശനം. കുഞ്ഞനന്തന് ചികിത്സ നടത്താന് പരോളിന്റെ ആവശ്യമില്ലെന്ന് കോടതി വ്യക്തമാക്കി. സ്ഥിരം സഹായിയെ ആവശ്യമെങ്കില് അക്കാര്യം ബുധനാഴ്ച അറിയിക്കണമെന്നും കുഞ്ഞനന്തന്റെ അഭിഭാഷകനോട് ഹൈക്കോടതി നിര്ദ്ദേശിച്ചു. 
ശാരീരിക ബുദ്ധിമുട്ടുകളുണ്ടെന്നും ചികിത്സ ആവശ്യമാണെന്നും ചൂണ്ടിക്കാട്ടി, തടവ് ശിക്ഷ മരവിപ്പിച്ച് ജാമ്യം നല്കണമെന്നായിരുന്നു കുഞ്ഞനന്തന്റെ ആവശ്യം എന്നാല് കോടതി ഇത് അനുവദിച്ചില്ല. അതേസമയം കുഞ്ഞനന്തന്റെ ചികിത്സ പൂര്ത്തിയാകാന് എത്ര കാലം വേണ്ടിവരുമെന്ന് അറിയിക്കാനും കോടതി നിര്ദ്ദേശിച്ചു. കുഞ്ഞനന്തന് വേണ്ടി ഹാജരായ സര്ക്കാര് അഭിഭാഷകനെയും ഹൈക്കോടതി രൂക്ഷമായി വിമര്ശിച്ചു. കുഞ്ഞനന്തന് പരോളിനിടെ പാര്ട്ടി പരിപാടികളില് പങ്കെടുക്കുന്നതില് എന്താണ് തെറ്റെന്നായിരുന്നു അഭിഭാഷകന്റെ ചോദ്യം. ഉള്ളിലുള്ള രാഷ്ടീയം കോടതിയില് എടുക്കരുതെന്ന് കോടതി വിമര്ശിച്ചു.
