റാഞ്ചി: ബിജെപിക്കെതിരായ പരാമര്ശത്തില് രാഹുല് ഗാന്ധിക്ക് ജാര്ഖണ്ഡ് കോടതിയുടെ സമന്സ്. ഈ മാസം 27ന് നേരിട്ട് ഹാജരാകണമെന്നാണ് ചയ്ബാസയിലെ എംപി,എംഎല്എ കോടതിയുടെ നിര്ദേശം.2018ല് രാഹുല് നടത്തിയ ബിജെപി വിരുദ്ധ പരാമര്ശത്തിനെതിരേ പാര്ട്ടി നേതാവ് പ്രതാപ് കടാരിയ നല്കിയ ഹര്ജിയിലാണ് നടപടി. ഏത് കൊലയാളിക്കും ഇപ്പോള് ബിജെപി പ്രസിഡന്റാകാം എന്നതായിരുന്നു കേസിന് ആസ്പദമായ പരാമര്ശം.
2022 ഏപ്രിലില് കേസുമായി ബന്ധപ്പെട്ട് ഹാജരാവാന് കോടതി ആവശ്യപ്പെട്ടെങ്കിലും രാഹുല് ഹാജരായിരുന്നില്ല. കഴിഞ്ഞ മാസം ഓണ്ലൈന് കോണ്ഫറന്സ് വഴി ഹാജരാകാമെന്ന് രാഹുല് അറിയിച്ചെങ്കിലും കോടതി അനുമതി നിഷേധിച്ചു. ഇതിനു പിന്നാലെയാണ് നേരിട്ട് ഹാജരാകാന് ആവശ്യപ്പെട്ട് സമന്സ് അയച്ചത്.