ന്യൂഡല്‍ഹി: രാജ്യത്തെ നടുക്കിയ അക്രമത്തിന്‍റെ പശ്ചാത്തലത്തില്‍ പാര്‍ലമെന്‍റില്‍ സുരക്ഷ ശക്തമാക്കി. പ്രധാനകവാടമായ “മകര്‍ ദ്വാര്‍’ വഴിയുള്ള പ്രവേശനം എംപിമാര്‍ക്ക് മാത്രമായി ചുരുക്കിയിട്ടുണ്ട്.പ്രധാനകവാടത്തിന് സമീപത്തേയ്ക്ക് എത്തരുതെന്ന് മാധ്യമ പ്രവര്‍ത്തകര്‍ക്കും നിര്‍ദേശം നല്‍കി. നിലവില്‍ മാധ്യമപ്രവര്‍ത്തകര്‍ക്കു വേണ്ടി പാര്‍ലമെന്‍റ് വളപ്പില്‍ പ്രത്യേക സ്ഥലം നിശ്ചയിച്ചിട്ടുണ്ട്.പാര്‍ലമെന്‍റിന് 200 മീറ്റര്‍ അകലെവച്ച്‌ വാഹനങ്ങള്‍ തടഞ്ഞ് പോലീസ് പരിശോധന കര്‍ശനമാക്കി. പാര്‍ലമെന്‍റ് വളപ്പിലെ സുരക്ഷാജീവനക്കാരുടെ എണ്ണം വര്‍ധിപ്പിച്ചിട്ടുണ്ട്.
