EVM ആർക്കും ഹാക്ക് ചെയ്യാൻ കഴിയില്ലെന്ന് മുഖ്യതെരഞ്ഞെടുപ്പ് കമ്മീഷണർ. 99കോടി വോട്ടർമാർ രാജ്യത്തുണ്ട്. എല്ലാം CCTV നീരിക്ഷണത്തിലാണെന്നും മുഖ്യതെരഞ്ഞെടുപ്പ് കമ്മിഷണർ പറഞ്ഞു. രാജ്യത്തെ വോട്ടർമാർക്ക് തെരെഞ്ഞെടുപ്പ് കമ്മീഷൻ പുതുവത്സര ആശംസകൾ നേരുന്നു.
ഡൽഹി തെരഞ്ഞെടുപ്പ് ഫെബ്രുവരി 5ന് നടക്കും. ഫെബ്രുവരി 8 ന് വോട്ടെണ്ണൽ. 1.55 കോടി വോട്ടർമർ ഡൽഹിയിൽ ഉണ്ട്. 2.08 ലക്ഷം പുതിയ വോട്ടർമാർ പട്ടികയിൽ ഉണ്ട്. 13033 പോളിങ് സ്റ്റേഷനുകൾ. 70എണ്ണം സ്ത്രീകൾ നിയന്ത്രിക്കുന്ന പോളിംഗ് സ്റ്റേഷനുകളാണ് ഉള്ളത്.
വോട്ടർ പട്ടികയിൽ നിന്ന് ഒരാളെ ഒഴിവാക്കുന്നത് നോട്ടീസ് നൽകുകയും സൈറ്റിൽ പ്രസിദ്ധീകരിക്കുകയും ചെയ്ത ശേഷമാണ്. നാമ നിർദേശ പത്രിക സമർപ്പിക്കുവാനുള്ള അവസാന ദിവസം ജനുവരി 17നാണ്. പത്രികളുടെ സൂക്ഷ്മ പരിശോധന ജനുവരി 18 ന് നടക്കും. പത്രിക പിൻവലിക്കാനുള്ള അവസാന ദിവസം ജനുവരി 20നാണ് . യുപിയിലെ മിൽക്കിപൂരിലും തമിഴ്നാട്ടിലെ ഈറോഡ് മണ്ഡലത്തിലും ഉപതിരഞ്ഞെടുപ്പും ഇതേ തീയതിയിൽ നടക്കും.
2024 തെരഞ്ഞെടുപ്പിന്റെ വർഷം കൂടിയായിരുന്നു. മണിപ്പൂർ ജമ്മു കശ്മീർ ഉൾപ്പെടെയുള്ള സംസ്ഥാനങ്ങളിൽ സംഘർഷങ്ങൾ ഇല്ലാതെ തെരഞ്ഞെടുപ്പ് നടത്തി.99കോടി വോട്ടർമാർ ഇന്ന് രാജ്യത്തുണ്ട്. മഹാരാഷ്ട്ര തെരഞ്ഞെടുപ്പിന് ശേഷം തെരഞ്ഞെടുപ്പ് പ്രക്രിയയുമായി ബന്ധപ്പെട്ട് ചില ആശങ്കങ്ങൾ ഉയർന്നു.ചോദ്യം ചോദിക്കാനുള്ള അവകാശം ജനാധിപത്യത്തിന്റെ ഭാഗം ആണ്. അത് തങ്ങൾ ബഹുമാനിക്കുന്നു.
