തൃശൂര്: ട്രാന്സ്മാന് പ്രവീണ് നാഥിന്റെ പങ്കാളി റിഷാന ഐഷുവും ആത്മഹത്യയ്ക്ക് ശ്രമിച്ചു. റിഷാന ഉറക്ക ഗുളിക അമിതമായി കഴിച്ചതോടെ ആരോഗ്യനില വഷളാവുകയായിരുന്നു. തുടര്ന്ന് തൃശൂര് മെഡിക്കല് കോളേജ് ആശുപത്രിയില് പ്രവേശിപ്പിച്ചു. ആരോഗ്യ നില സംബന്ധിച്ചുളള കൂടുതല് വിവരങ്ങള് മെഡിക്കല് കോളേജ് വ്യക്തമാക്കിയിട്ടില്ല.
കഴിഞ്ഞ ദിവസമാണ് പ്രവീണ് നാഥിനെ മരിച്ച നിലയില് കണ്ടെത്തിയത്. തൃശൂര് പൂങ്കുന്നത്തെ വീട്ടിലാണ് പ്രവീണ് നാഥിനെ വിഷം കഴിച്ച നിലയില് കണ്ടെത്തിയത്. മെഡിക്കല് കോളേജില് ചികിത്സയിലിരിക്കെയാണ് മരിച്ചത്.
കേരളത്തിലെ ആദ്യ ട്രാന്സ് ബോഡി ബില്ഡര് കൂടിയാണ് പ്രവീണ്. മിസ്റ്റര് കേരള ട്രാന്സ്മെന് എന്ന രീതിയില് പ്രവീണ് ശ്രദ്ധേയനായിരുന്നു. കഴിഞ്ഞ ഫെബ്രുവരിയിലായിരുന്നു ഇവരുടെ വിവാഹം. ഏറെ നാളത്തെ പ്രണയത്തിന്റെ തുടര്ച്ചയായിട്ടായിരുന്നു ഇരുവരുടെയും വിവാഹം. ദിവസങ്ങള്ക്ക് മുന്പ് ഇരുവരും പിരിയുന്നതായി വാര്ത്തകള് വന്നിരുന്നു. പ്രവീണ് തന്നെ ഈ വാര്ത്തകള് നിഷേധിച്ച് ഫേസ്ബുക്ക് പോസ്റ്റും ഇട്ടിരുന്നു. ഇതിന് പിന്നാലെയാണ് ആത്മഹത്യ.