തിരുവനന്തപുരം: കേരള സര്വകലാശാലയിലെ ചോദ്യപേപ്പര് വിവാദത്തില് പരീക്ഷാ കണ്ട്രോളറോട് വൈസ് ചാന്സലര് ഡോ. മോഹനന് കുന്നുമ്മല് വിശദീകരണം തേടി.വെള്ളിയാഴ്ച നടന്ന ബിഎ ഹിസ്റ്ററി പരീക്ഷയില് മുന്വര്ഷത്തെ ചോദ്യങ്ങള് ആവര്ത്തിച്ചിരുന്നു. അഞ്ചാം സെമസ്റ്റര് പരീക്ഷയിലാണ് 2022ലെ ചോദ്യങ്ങള് ആവര്ത്തിച്ചത്. വിവരം പുറത്തായതിനു പിന്നാലെ ഹിസ്റ്ററി പരീക്ഷയും തുടര്പരീക്ഷകളും സര്വകലാശാല റദ്ദാക്കിയിരുന്നു.
ഭൂരിഭാഗം ചോദ്യങ്ങളും ആവര്ത്തിച്ചത് ഗുരുതര പിഴവെന്നാണ് സര്വകലാശാല വിലയിരുത്തല്. ചോദ്യങ്ങള് തയാറാക്കിയപ്പോഴും സൂക്ഷ്മപരിശോധന നടത്തിയപ്പോഴും അധ്യാപകര്ക്ക് വീഴ്ച സംഭവിച്ചുവെന്നാണ് കരുതുന്നത്.
കുറ്റക്കാര്ക്കെതിരേ കടുത്ത നടപടി സ്വീകരിക്കുമെന്നും റദ്ദാക്കിയ പരീക്ഷകള് ഉടന് നടത്തുമെന്നും വിസി മോഹനന് കുന്നുമ്മല് അറിയിച്ചു.