തിരുവനന്തപുരം: സംസ്ഥാനത്ത് വ്യാപകമഴയ്ക്ക് സാധ്യത. തിരുവനന്തപുരം, കൊല്ലം, ആലപ്പുഴ, കോട്ടയം ഒഴികെയുള്ള ജില്ലകളില് യെലോ അലര്ട് പ്രഖ്യാപിച്ചു. മലയോര മേഖലയില് ശക്തമായ മഴയുണ്ടാകുമെന്നും കാലാവസ്ഥാ വകുപ്പ് അറിയിച്ചു. ഒറ്റപ്പെട്ട സ്ഥലങ്ങളില് ശക്തമായ മഴ ലഭിക്കുമെന്നും സംസ്ഥാനത്ത് വെള്ളിയാഴ്ച വരെ ഇടിമിന്നലോട് കൂടിയ മഴ ഉണ്ടാകുമെന്നും മുന്നറിയിപ്പില് പറയുന്നു. ജാഗ്രത പാലിക്കണമെന്നും കാലാവസ്ഥാ വകുപ്പ് വ്യക്തമാക്കി. അടുത്തയാഴ്ചയോടെ സംസ്ഥാനത്ത് തുലാവര്ഷം ആരംഭിക്കുമെന്നാണ് കരുതുന്നത്.
