ശമ്പള പരിഷ്കരണം ആവശ്യപ്പെട്ട് കെഎസ്ആര്ടിസിയിലെ ഭരണ പ്രതിപക്ഷ തൊഴിലാളി സംഘടനകള് പണിമുടക്ക് ആരംഭിച്ചു. അര്ധരാത്രി 12 മുതലാണ് പണിമുടക്ക് തുടങ്ങിയത്. ടി.ഡി.എഫ് 48 മണിക്കൂറും, ബി.എം.എസ്, കെ.എസ്.ആര്.ടി.എ തുടങ്ങിയ സംഘടനകള് 24 മണിക്കൂറുമാണ് പണിമുടക്ക് പ്രഖ്യാപിച്ചിരിക്കുന്നത്.
കോണ്ഗ്രസ് അനുകൂല യൂണിയന് ശനിയാഴ്ച രാത്രി വരെ 48 മണിക്കൂറും, ഇടത് അനുകൂല യൂണിയനും ബി.എം.എസും വെള്ളിയാഴ്ചയുമാണ് പണിമുടക്കുന്നത്. ശമ്പള പരിഷ്കരണം നടപ്പാക്കാത്തതില് പ്രതിഷേധിച്ചാണ് സമരം. കെ.എസ്.ആര്.ടി.സിയില് 9 വര്ഷമായി ശമ്പളപരിഷ്കരണം നടപ്പാക്കിയിട്ടില്ല. കഴിഞ്ഞ ദിവസം രാത്രി നടത്തിയ മന്ത്രിതല ചര്ച്ച പരാജയപ്പെട്ടതോടെയാണ് തൊഴിലാളി യൂണിയനുകള് നേരത്തെ പ്രഖ്യാപിച്ച പണിമുടക്കുമായി മുന്നോട്ട് പോകുന്നത്. ദീര്ഘദൂര സര്വീസുകളടക്കം മുടങ്ങും.
പണിമുടക്ക് നേരിടാന് സര്ക്കാര് ഡയസ്നോണ് പ്രഖ്യാപിച്ചിട്ടുണ്ട്. തൊഴിലാളി യൂണിയനുകളുടേത് കടും പിടുത്തമാണെന്നാണ് സര്ക്കാരിന്റെയും, മാനേജ്മെന്റിന്റെയും നിലപാട്. പണിമുടക്ക് ഒഴിവാക്കാന് മന്ത്രി ആന്റണി രാജുവിന്റെ സാന്നിധ്യത്തില് നടത്തിയ ചര്ച്ച പരാജയപ്പെട്ടതോടെയാണ് അവശ്യ സര്വീസ് നിയമമായ ഡയസ്നോണ് പ്രഖ്യാപിച്ചിരിക്കുന്നത്. തൊഴിലാളികള് ആവശ്യപ്പെട്ടിരിക്കുന്നത് വലിയ ശമ്പള വര്ധനവാണെന്നും ഇത് പരിശോധിക്കാന് സമയം വേണമെന്നുമാണ് മന്ത്രി ആന്റണി രാജു വ്യക്തമാക്കിയത്.
അതേസമയം, കെഎസ്ആര്ടിസി സംഘനകളുടെ പണിമുടക്കുമായി ബന്ധപ്പെട്ട് സര്ക്കാര് ഡയസ്നോണ് പ്രഖ്യാപിച്ചു. ഇന്നും നാളെയും ജോലിക്ക് ഹാജരായില്ലെങ്കില് ഡയസ്നോണായി കണക്കാക്കും. അതായത് 5,6 തീയതികളില് ഒരു ഉദ്യോഗസ്ഥനെങ്കിലും മുഴുവന് സമയവും ഉണ്ടായിരിക്കണം. നാളെയും മറ്റന്നാളും ജോലിക്ക് എത്താത്തവരുടെ ശമ്പളം പിടിക്കും. ശമ്പള പരിഷ്കരണം ആവശ്യപ്പെട്ട് കെഎസ്ആര്ടിസിയിലെ അംഗീകൃത ട്രേഡ് യൂണിയനുകള് ഇന്നലെ അര്ധരാത്രി മുതലാണ് പണിമുടക്കുന്നത്.
കെ.എസ്.ആര്.ടി. സമരം കാരണം കേരള സര്വകലാശാല ഇന്ന് നടത്താന് നിശ്ചയിച്ചിരുന്ന എല്ലാ പരീക്ഷകളും മാറ്റി. തിയറി, പ്രാക്ടിക്കല്, പ്രവേശന പരീക്ഷകള് ഉള്പ്പടെ ഇതില്പ്പെടും. പുതുക്കിയ തിയതി പിന്നീട് അറിയിക്കുന്നതാണ്. മറ്റു ദിവസത്തെ പരീക്ഷകള്ക്ക് മാറ്റമില്ലെന്ന് സര്വകലാശാല അറിയിച്ചു.
