കൊടുങ്ങല്ലൂര്: എഴുത്തുകാരിയും ആകാശവാണി ഡയറക്ടറുമായ കെ ആര് ഇന്ദിരയുടെ സമൂഹമാധ്യമങ്ങളിലെ വര്ഗ്ഗീയ പരാമര്ശങ്ങള്ക്കെതിരെ ജാമ്യമില്ലാവകുപ്പ് പ്രകാരം കേസെടുത്തു. കൊടുങ്ങല്ലൂര് പൊലീസാണ് കേസ് എടുത്തിരിക്കുന്നത്. സമൂഹത്തില് മതസ്പര്ദ്ധ വളര്ത്താന് ശ്രമിച്ചതിന് ജാമ്യമില്ല വകുപ്പായ ഐപിസി 153 എ പ്രകാരവും, സാമൂഹ്യ മാധ്യമങ്ങള് വഴി അപകീര്ത്തിപരമായ പ്രചാരണം നടത്തിയതിന് 120 ഒ വകുപ്പ് പ്രകാരവുമാണ് കേസ്.
കൊടുങ്ങല്ലൂര് സ്വദേശിയായ എംആര് വിപിന്ദാസിന്റെ പരാതിയിലാണ് കേസ്. നാട്ടിലെ സമാധാന അന്തരീക്ഷം തകര്ക്കുന്ന തരത്തിലാണ് ഇന്ദിരയുടെ ഫേസ്ബുക്ക് പോസ്റ്റുകള് എന്നാണ് പരാതിയില് പറഞ്ഞിരുന്നത്. കൊടുങ്ങല്ലൂര് സിഐ പികെ പത്മരാജനാണ് പരാതി നല്കിയത്.
