തൊടുപുഴ : അല് അസ്ഹര് മെഡിക്കല് കോളേജില് മെഡിക്കല്, പാരാമെഡിക്കല്, നേഴ്സിങ് വിദ്യാര്ത്ഥികള്ക്ക് പഠനാവശ്യങ്ങള്ക്കായി ആറായിരം സ്ക്വയര് ഫീറ്റില് സജ്ജീകരിച്ചിരിക്കുന്ന എല്ലാവിധ സൗകര്യങ്ങളോടും കൂടിയ സെന്ട്രലൈസ്ഡ് സ്കില് ലാബ് പ്രവര്ത്തനം തുടങ്ങി. നാഷണല് മെഡിക്കല് കൗണ്സില് നിഷ്കര്ഷിച്ച രീതിയിലാണ് സ്കില് ലാബ് നിര്മ്മിച്ചിരിക്കുന്നത്.
അഡ്വാന്സ്ഡ് കാര്ഡിയാക് ലൈഫ് സപ്പോര്ട്ട , അഡ്വാന്സ്ഡ് ട്രോമ ലൈഫ് സപ്പോര്ട്ട് , ബേസിക് ലൈഫ് സപ്പോര്ട്ട്, ട്രെയിനിംഗ്, ശരീരത്തിന്റെ വിവിധ അവസ്ഥകളെ കുറിച്ച് പഠിക്കുന്നതിനും മനസ്സിലാക്കുന്നതിനും ഏറെ സഹായകരമായ മാനിക്വിന്സ് ഉള്പ്പെടെ സ്കില് ലാബില് സജ്ജീകരിച്ചിട്ടുണ്ട്. അല് അസ്ഹര് ലെ വിദ്യാര്ത്ഥികള്ക്ക് പുറമേ മറ്റു സ്ഥാപനങ്ങളിലെ വിദ്യാര്ത്ഥികള്ക്കും പരിശീലനം നല്കാന് കഴിയുന്ന നിലയിലാണ് സ്കില് ലാബ് സജ്ജീകരിച്ചിരിക്കുന്നത് അല് അസ്ഹര് ഗ്രൂപ്പ് മാനേജിംഗ് ഡയറക്ടര് അഡ്വ. മിജാസ് കെ. എം. അറിയിച്ചു,
സെന്ട്രലൈസ്ഡ് സ്കില് ലാബിന്റെ ഉദ്ഘാടനം ഡെപ്യൂട്ടി ഡി.എം.ഒ ഡോ. ശരത് നിര്വഹിച്ചു. മെഡിക്കല് കോളേജ് പ്രിന്സിപ്പാള് ഡോ.ജോസ് ജോസഫ്, മെഡിക്കല് സൂപ്രണ്ട് ഡോ: ഷിയാസ് .കെ.എം, മെഡിക്കല് ഡയറക്ടര് ഡോ: റിജാസ് കെ എം, സി. ഒ.ഒ. സുധീര് എ. പി, നഴ്സിംഗ് കോളേജ് പ്രിന്സിപ്പാള് മറ്റു വിവിധ ഡിപ്പാര്ട്ട്മെന്റ് മേധാവികള്, വിദ്യാര്ത്ഥികള് തുടങ്ങിയവര് പങ്കെടുത്തു.