ജാമ്യ വ്യവസ്ഥയില്‍ ഇളവുതേടി മലപ്പുറത്തേക്ക് പോകാനെത്തിയ മുന്‍ മന്ത്രി വികെ. ഇബ്രാഹിം കുഞ്ഞിന് വീണ്ടും തിരിച്ചടിയായി കോടതി പരാമര്‍ശം. കോടതിയെ കബളിപ്പിചോ എന്ന് ഹൈക്കോടതി.ജനുവരി മാസത്തിലാണ് പാലാരി വട്ടം അഴിമതിക്കേസില്‍ ഇബ്രാഹിം കുഞ്ഞിന് ഹൈക്കോടതി ജാമ്യം അനുവദിച്ചത്. ആരോഗ്യ നിലപരിഗണിച്ച് കര്‍ശന ഉപാധികളോടെയായിരുന്നു കേസിലെ അഞ്ചാം പ്രതിയായ എംഎല്‍എയുടെ ജാമ്യം.
ഗുരുതര ആരോഗ്യപ്രശ്‌നം ചൂണ്ടിക്കാട്ടി ജാമ്യം നേടിയ ഇബ്രാഹിംകുഞ്ഞ് ജാമ്യം നിബന്ധനയില്‍ എറണാകുളം ജില്ല വിട്ടുപോകരുത് എന്നുള്ള നിബന്ധന മാറ്റിത്തരണം ആവശ്യപ്പെട്ട് ഹൈക്കോടതിയെ സമീപിച്ചപ്പോളാണ് കോടതിയുടെ പരാമര്‍ശമുണ്ടായത്.
ജാമ്യത്തിലിറങ്ങിയ പിറ്റേന്നുമുതല്‍ ഇബ്രാഹിംകുഞ്ഞ് രാഷ്ട്രീയ പൊതുപരിപാടികളിലും മണ്ഡലത്തിലെ ആളുകള്‍ കൂട്ടംകൂടുന്ന പരിപാടിയില്‍ അടക്കം പങ്കെടുത്തുവെന്ന് സര്‍ക്കാര്‍ ചിത്രങ്ങള്‍ സഹിതം കോടതിയെ ബോധിപ്പിച്ചു. ആരോഗ്യ പ്രശ്‌നം ഉണ്ടെന്നും പറഞ്ഞ് കോടതിയെ കബളിപ്പിച്ചതാണോ എന്ന് ഇബ്രാഹിംകുഞ്ഞിന്റെ അഭിഭാഷകനോട് കോടതി ചോദിച്ചു. ഹര്‍ജി അനുവദിക്കാനാവില്ലെന്നും കോടതി നിരീക്ഷിച്ചു. തുടര്‍ന്ന് ജാമ്യവ്യവസ്ഥയില്‍ ഇളവ് നല്‍കി മലപ്പുറം ജില്ലയില്‍ പോകാന്‍ അനുവദിക്കണമെന്ന് ആവശ്യപ്പെട്ട് നല്‍കിയ ഹര്‍ജി പിന്‍വലിച്ചു ഇബ്രാഹിം കുഞ്ഞ് പിന്‍ വലിച്ചു.
