ഒരു ശ്രീലങ്കന്‍ സുന്ദരി ഇന്‍ അബുദാബി എന്ന ചിത്രത്തിനു ശേഷം ഡോ. കൃഷ്ണാ പ്രിയദര്‍ശന്‍ രചനയും സംവിധാനവും നിര്‍വ്വഹിച്ച ‘ആലി’ സിനിമയുടെ ഫസ്റ്റ്‌ലുക്ക് പ്രകാശിതമായി. ചിത്രത്തിലെ പ്രധാന ആര്‍ട്ടിസ്റ്റുകളുടെ സോഷ്യല്‍ മീഡിയ ഹാന്റില്‍സിലൂടെയായിരുന്നു പ്രകാശനം നടന്നത്.
കേരള -തമിഴ്‌നാട് അതിര്‍ത്തിയില്‍, തമിഴ്‌നാട്ടില്‍ സ്ഥിരതാമസമാക്കിയ മുല്ല എന്ന സുന്ദരിയായ പെണ്‍കുട്ടിയുടെ ജീവിതത്തിലേക്ക് വളരെ യാദൃശ്ചികമായിട്ടാണ് മലയാളിയായ ഒരു ആയുര്‍വേദ ഡോക്ടര്‍ കടന്നു വരുന്നത്. മുല്ലയ്ക്കാരു അപകടം സംഭവിച്ചപ്പോള്‍ തക്കസമയത്ത് അവിടെ എത്തിയ ഡോക്ടര്‍ അവളെ ആശുപത്രിയിലെത്തിച്ചതോടെയായിരുന്നു അത്. ആ പരിചയം അടുപ്പത്തിലേക്കും പിന്നീട് പ്രണയത്തിലേക്കും കടന്നു. സൗണ്ട് എഞ്ചിനീയര്‍ കൂടിയായ മുല്ലയുടെ അമ്മയും അച്ഛനും യഥാക്രമം ഹിന്ദുവും ക്രിസ്ത്യാനിയുമാണ്. അവരുടെ ബന്ധത്തെ ക്രിസ്ത്യന്‍ കുടുംബമായ ഡോക്ടറുടെ വീട്ടുകാര്‍ ശക്തമായി എതിര്‍ത്തു. ഡോക്ടറെ അവളില്‍ നിന്നും അകറ്റാനായി പെട്ടെന്നു തന്നെ ഡോക്ടര്‍ക്കു വിവാഹാലോചനകള്‍ നോക്കി തുടങ്ങി. ഒരു നിര്‍ണ്ണായക ഘട്ടത്തില്‍ അവരിരുവരും നാടുവിടാന്‍ തീരുമാനിച്ചു. തുടര്‍ന്ന് പ്രേക്ഷകരെ മുള്‍മുനയില്‍ നിറുത്തുന്ന ത്രില്ലര്‍ മുഹൂര്‍ത്തങ്ങളിലൂടെയാണ് ആലിയുടെ സഞ്ചാരം.
കഥാപശ്ചാത്തലം കേരള – തമിഴ്‌നാട് അതിര്‍ത്തി ആയതിനാല്‍ മലയാളത്തോടൊപ്പം തമിഴും ചിത്രത്തില്‍ സംസാരഭാഷ ആകുന്നുണ്ട്. ഏഴോളം വരുന്ന ഗാനങ്ങള്‍ ചിത്രത്തിന്റെ വലിയ സവിശേഷതയാണ്. മലയാളം, തമിഴ്, ഹിന്ദി, അറബിക് സോംഗുകളുടെ രചന നിര്‍വ്വഹിച്ചിരിക്കുന്നത് സംവിധായിക തന്നെയാണ്. അറബിക് സോംഗ് മാത്രം ട്രാന്‍സ് ലേഷന്‍ വേണ്ടി വന്നു. കൈലാഷ്, പ്രജിന്‍ പത്മനാഭന്‍, സൗരവ് ശ്യാം, കൃഷ്ണപ്രസാദ്, ഡോ. രജിത്കുമാര്‍, ജോബി, സുരേഷ് തിരുവല്ല, മാസ്റ്റര്‍ മന്‍ഹര്‍, റഫീഖ് ചൊക്ലി, ജോബിസ് ചിറ്റിലമ്പള്ളി, ആകര്‍ഷ്, ജസീര്‍, രാജേഷ് ബി കെ, ഗോകില, ലതാദാസ്, മണക്കാട് ലീല, ശ്രുതി, കൃഷ്ണപ്രിയ എന്നിവര്‍ അഭിനയിക്കുന്നു.
ബാനര്‍, നിര്‍മ്മാണം-മന്‍ഹര്‍ സിനിമാസ് & എമിനന്റ് മീഡിയ (അബുദാബി), രചന, സംവിധാനം – ഡോ. കൃഷ്ണ പ്രിയദര്‍ശന്‍, ഛായാഗ്രഹണം – റിനാസ് നാസര്‍, എഡിറ്റിംഗ് – അബു ജിയാദ്, ഗാനരചന – ഡോ കൃഷ്ണ പ്രിയദര്‍ശന്‍, സംഗീതം – കിളിമാനൂര്‍ രാമവര്‍മ്മ, സുരേഷ് എരുമേലി, രതീഷ് റോയ്, ആര്‍ ആര്‍ ബ്രദേഴ്‌സ്, ശ്രദ്ധ പാര്‍വ്വതി, ആലാപനം – കിളിമാനൂര്‍ രാമവര്‍മ്മ, അരവിന്ദ് വേണുഗോപാല്‍, റിതു കൃഷ്ണ, ഹാഷിം ഷാ, സരിത രാജീവ്, ശ്രദ്ധ പാര്‍വ്വതി, സമ്പത്ത്, മുഹമ്മദ് ഹസ്സന്‍ഹിഷാം കലാഫ്, അഭി, കല – അഖിലേഷ്, ഷിജു അഭാസ്‌ക്കര്‍, കോസ്റ്റ്യും – സിസിലി ഫെര്‍ണാണ്ടസ്, ചമയം – ജയന്‍ സി എം, അസ്സോസിയേറ്റ് ഡയറക്ടേഴ്‌സ് – സിസിലി ഫെര്‍ണാണ്ടസ്, ജാഫര്‍ കുറ്റിപ്പുറം, പ്രൊഡക്ഷന്‍ കണ്‍ട്രോളര്‍ – ശ്രീധര്‍, കാസ്റ്റിംഗ് ചീഫ് – ഡോ. രജിത്കുമാര്‍, കോറിയോഗ്രാഫി – അതുല്‍ രാധാകൃഷ്ണന്‍, സുനിത നോയല്‍, എസ് എഫ് എക്‌സ് – എന്‍ ഷാബു ചെറുവള്ളൂര്‍, ഫസ്റ്റ് കട്ട് – അരുണ്‍ ആന്റണി, പ്രൊഡക്ഷന്‍ എക്‌സിക്യൂട്ടീവ് – രജീഷ് ബി കെ, സ്റ്റുഡിയോ- നിസര (തിരുവനന്തപുരം), സിയന്ന (ഷാര്‍ജ ), ബെന്‍സന്‍ ( തിരുവനന്തപുരം), സൗണ്ട് ഓ ക്ലോക്ക് ( തിരുവനന്തപുരം), പോസ്റ്റര്‍ – ജാക്ക് പ്രൊഡക്ഷന്‍സ്, സ്റ്റില്‍സ്- ഗോപാലകൃഷ്ണന്‍, പി ആര്‍ ഓ – അജയ് തുണ്ടത്തില്‍
