കാലമെത്ര കോമരങ്ങളാടുന്നു
കാലാവസ്ഥയും കെടുതികൾ വിതക്കുന്നു
കൊറോണയൊ വില്ലനായെത്തി
കൂട്ടിനായി കറുത്തും വെളുത്തും ഫംഗസുകൾ
കാണുന്നവയേറെ ഭീതിതമെങ്കിലുമീ
കാലവും കടന്നുപോകും
കലികാലത്തിന്നറുതിയെന്നോണം
കാലം കലിതുള്ളി പെരുമ കാട്ടുന്നു

കാലാന്തരേ കായത്തിൻ കോലവും മാറി
കാണാക്കിനാവുകളിനിയുമേറെയുണ്ട്
കാലംതെറ്റി വന്ന കാലവർഷത്തിൻ
കുളിരേകി കാല്‍പനിക ഭാവത്തിലുമ്മറ
കോലായിൽ നനുത്ത സായംസന്ധ്യയെ
കൺചിമ്മിയാസ്വദിക്കവേയൊരുവേള
കാതോർത്തു ഞാനെൻ കണ്ണാ നിൻ
കാലടിയൊച്ച കേൾക്കുവാനായി…

– അനിത –