മെഗാസ്റ്റാര്‍ മമ്മൂട്ടിയും ലേഡി സൂപ്പര്‍സ്റ്റാര്‍ മഞ്ജുവാര്യരും ആദ്യമായി ഒന്നിച്ച ‘ദി പ്രീസ്റ്റ്’ മികച്ച പ്രേക്ഷക പ്രതികരണമാണ് വാരിക്കൂട്ടിയത്. ചിത്രം വിജയകരമായി മുന്നേറുമ്പോള്‍ സമൂഹ മാധ്യമങ്ങളില്‍ വൈറലായി മാറിയത് പത്രസമ്മേളനത്തിനിടെ മമ്മൂട്ടിയെ കണ്ണെടുക്കാതെ നോക്കിയിരിക്കുന്ന നിഖില വിമലിന്റെ ചിത്രമായിരുന്നു. ചിത്രം വൈറലായതിനു പിന്നാലെ നിഖിലയുടെ പേരില്‍ ട്രോളുകളും സോഷ്യല്‍ മീഡിയയില്‍ നിറഞ്ഞു. പിന്നാലെ നോട്ടത്തിനു പിന്നിലെ കാരണം എന്താണെന്ന് നിഖില വിശദീകരിക്കുകയും ചെയ്തിരുന്നു.
ഇപ്പോഴിതാ, ‘വണ്‍’ സിനിമയുമായി ബന്ധപ്പെട്ട് കൊച്ചിയില്‍ പ്രസ് മീറ്റിനെത്തിയ മമ്മൂട്ടിയെ നോക്കുന്ന നടി ഗായത്രി അരുണിന്റെ ചിത്രമാണ് വൈറലായി മാറുന്നത്. നിഖിലയെ പോലെ കണ്ണെടുക്കാതെ നോക്കുന്ന ഗായത്രിയല്ല ചിത്രത്തിലെങ്കിലും, നിഖിലയ്ക്ക് പിന്നാലെ ഗായത്രി എന്ന ക്യാപ്ഷനോടു കൂടിയാണ് ചിത്രം പ്രചരിക്കുന്നത്. ‘നിഖില’ എന്ന വന്‍മരം വീണു ഇനി ആര്’ എന്നിങ്ങനെയുള്ള ക്യാപ്ഷനുകളും കാണാം.
മമ്മൂട്ടി കേരള മുഖ്യമന്ത്രി കടയ്ക്കല്‍ ചന്ദ്രനായെത്തിയ വണ്‍ തിയെറ്ററുകളില്‍ മികച്ച പ്രേക്ഷക പ്രതികരണത്തോടെ മുന്നേറുകയാണ്. ‘യാത്ര’ എന്ന തെലുങ്ക് ചിത്രത്തിന് ശേഷം മമ്മൂട്ടി വീണ്ടും ഒരു രാഷ്ട്രീയക്കാരനായി എത്തുന്നതാണ് ‘വണ്‍’. മധു, ജോജു ജോര്‍ജ്, സലിം കുമാര്‍,ബാലചന്ദ്രമേനോന്‍,ശങ്കര്‍ രാമകൃഷ്ണന്‍, മാമുക്കോയ, ശ്യാമപ്രസാദ്, രമ്യ, അലന്‍സിയര്‍ ലെ ലോപ്പസ്, സുരേഷ് കൃഷ്ണ, മാത്യു തോമസ്, ജയകൃഷ്ണന്‍, മേഘനാഥന്‍, സുദേവ് നായര്‍, മുകുന്ദന്‍, സുധീര്‍ കരമന, ബാലാജി, ജയന്‍ ചേര്‍ത്തല, ഗായത്രി അരുണ്‍, രശ്മി ബോബന്‍, വി കെ ബൈജു, നന്ദു, വെട്ടുകിളി പ്രകാശ്, ഡോക്ടര്‍ റോണി, സാബ് ജോണ്‍, ഡോക്ടര്‍ പ്രമീള ദേവി, അര്‍ച്ചന മനോജ്, കൃഷ്ണ തുടങ്ങിയ താരങ്ങളും ചിത്രത്തില്‍ അണിനിരക്കുന്നു.
ഇച്ചായിസ് പ്രൊഡക്ഷന്‍സിന്റെ ബാനറില്‍ ശ്രീലക്ഷ്മിയാണ് നിര്‍മ്മാണം. വൈദി സോമസുന്ദരം ക്യാമറയും, ഗോപിസുന്ദര്‍ സംഗീത സംവിധാനവും, രംഗനാഥ് രവി സൗണ്ട് ഡിസൈനും നിര്‍വഹിക്കുന്നു.
