മെക്സിക്കോയില്‍ അതിശക്തമായ ഭൂചലനം. ജനങ്ങള്‍ വീടുകളില്‍ നിന്നും മറ്റ് കെട്ടിടങ്ങളില്‍ നിന്നും ഇറങ്ങി. വന്‍ കെട്ടിടങ്ങളും കുലുങ്ങി. ഓക്സാക പ്രവിശ്യയിലെ പസിഫിക് തീരത്ത് 7.4 തീവ്രതയുള്ള ഭൂകമ്പമാണ് ഉണ്ടായതെന്ന് യു എസ് ജിയോളജിക്കല്‍ സര്‍വേ അറിയിച്ചു.
നാശനഷ്ടങ്ങളെ സംബന്ധിച്ച പ്രാഥമിക റിപ്പോര്‍ട്ടുകള്‍ ലഭിച്ചിട്ടില്ലെന്നും ഓക്സാകയില്‍ നിന്നുള്ള റിപ്പോര്‍ട്ടുകള്‍ക്കായി കാത്തിരിക്കുകയാണെന്നും പ്രസിഡന്റ് ആന്ദ്രെസ് മാനുവല്‍ ലോപസ് ഒബ്രാഡോര്‍ അറിയിച്ചു.
മെക്സിക്കോയിലെ രണ്ടാമത്തെ ഭൂകമ്പമായിരുന്നു ഇത്. ഇവിടെ 2017ലുണ്ടായ ഭൂകമ്പത്തില്‍ 355 പേര്‍ മരിച്ചിരുന്നു. അന്നത്തെ തീവ്രത 7.1 ആയിരുന്നു.
