മുംബൈ: ഇന്ത്യന് റെയില്വേയുടെ എസി കോച്ചില് ഒരു യാത്രക്കാരി ഇലക്ട്രിക് കെറ്റില് ഉപയോഗിച്ച് മാഗി നൂഡില്സ് പാചകം ചെയ്യുന്നതിന്റെ വീഡിയോ സമൂഹ മാധ്യമങ്ങളില് വൈറലായതോടെ നടപടിയുമായി റെയില്വേ. മഹാരാഷ്ട്രക്കാരിയായ ഒരു സ്ത്രീയാണ് ട്രെയിനില് മൊബൈല് ചാര്ജ് ചെയ്യാനുള്ള സോക്കറ്റില് കെറ്റില് നേരിട്ട് പ്ലഗ് ചെയ്ത് മാഗി ഉണ്ടാക്കിയത്. വീഡിയോ സമൂഹ മാധ്യമങ്ങളില് വൈറലായതോടെ നിരവധി പേരാണ് സുരക്ഷാ പ്രശ്നം ചൂണ്ടിക്കാട്ടിയത്. പൊതു ഇടങ്ങളില് പാലിക്കേണ്ട പൗരബോധത്തെക്കുറിച്ച് വലിയ ചര്ച്ചകളാണ് സമൂഹ മാധ്യമങ്ങളില് നടക്കുന്നത്.
കോച്ചിന്റെ പവർ സോക്കറ്റിൽ പ്ലഗ് ചെയ്ത ഇലക്ട്രിക് കെറ്റിലിൽ സ്ത്രീ മാഗി തയ്യാറാക്കുന്നതാണ് വിഡിയോയിൽ കാണുന്നത്. മൊബൈൽ ചാർജ് ചെയ്യുന്നതിന് വേണ്ടി മാത്രമുള്ളതാണ് ഈ സോക്കറ്റുകൾ. ഇതിൽ കെറ്റിൽ ഉപയോഗിച്ചാണ് യാത്രക്കാരി ഭക്ഷണം പാകം ചെയ്തത്.ഇതിന്റെ വിഡിയോ ആദ്യം എക്സിലാണ് പ്രചരിച്ചത്. ഈ വിഡിയോ ഷെയർ ചെയ്തുകൊണ്ടാണ് സെൻട്രൽ റെയിൽവെ മുന്നറിയിപ്പ് നൽകിയിരിക്കുന്നത്. സംഭവത്തിൽ യാത്രക്കാരിയടക്കമുള്ളവർക്കെതിരെ നടപടിയെടുക്കുമെന്ന് റെയിൽവെ അറിയിച്ചു.
സംഭവം ശ്രദ്ധയില്പ്പെട്ടതിനെ തുടര്ന്ന് റെയില്വേ കര്ശനമായ മുന്നറിയിപ്പ് നല്കുകയും സംഭവത്തില് ഉള്പ്പെട്ടവര്ക്കെതിരെ നടപടിയെടുക്കുമെന്ന് അറിയിക്കുകയും ചെയ്തു.
അപകടങ്ങള് ഉണ്ടാക്കുന്ന ഇത്തരം പ്രവൃത്തികള്ക്കെതിരേ യാത്രക്കാര്ക്കിടയില് അവബോധം സൃഷ്ടിക്കണമെന്നും അധികൃതര് കര്ശന ജാഗ്രത പാലിക്കണമെന്നും സോഷ്യല് മീഡിയയില് ആവശ്യമുയരുന്നുണ്ട്.
