എസ്എൻഡിപി യോഗം അധികാരി വർഗ്ഗത്തിന് പിന്നാലെ പോകുന്നെന്ന് സിപിഐഎം നേതാവ് ജി സുധാകരൻ. എല്ലാത്തിനും അന്തിമവാക്ക് അധികാരമുള്ളവരാണെന്ന് ധരിക്കരുത്. പ്രസ്ഥാനം വളർത്താൻ നേതൃത്വം ഒന്നും ചെയ്യുന്നില്ലെന്നും ജി സുധാകരൻ പറഞ്ഞു. എല്ലാത്തിനും അന്തിമവാക്ക് അധികാരമുള്ളവരാണെന്ന് ധരിക്കരുത്. അധികാരമുള്ളവരുടെ പുറകേ പോകരുത്, ബഹുമാനിച്ചാൽ മാത്രം മതിയെന്ന് ജി സുധാകരൻ പറഞ്ഞു.
ഗുരു സമാധിയുമായി ബന്ധപ്പെട്ട യോഗത്തിലായിരുന്നു ജി സുധാകരന്റെ പരാമർശം. ആഗോള അയ്യപ്പ സംഗമ വേദിയിൽ മുഖ്യമന്ത്രിയെ പ്രശംസിച്ച് വെള്ളാപ്പള്ളി നടേശൻ പ്രസ്താവന നടത്തിയിരുന്നു. ഇതിന് പിന്നാലെയാണ് ഇപ്പോൾ എസ്എൻഡിപി നേതൃത്വത്തിനെതിരെ വിമർശനവുമായി ജി സുധാകരൻ രംഗത്തെത്തിയത്. ശ്രീനാരായണ ധർമവുമായി ബന്ധമില്ലാത്തയാളുകളെ എസ്എൻഡിപിയുടെ വേദികളിൽ പ്രസംഗിപ്പിക്കുന്നുവെന്ന് സുധാകരൻ കുറ്റപ്പെടുത്തി.
