ഉത്തര്പ്രദേശില് ട്രെയിന് പാളം തെറ്റി. ഗോണ്ടയില് വെച്ച് ദിബ്രുഗഢ് എക്സ്പ്രസിന്റെ (15904) 15 ബോഗികളാണ് പാളം തെറ്റിയത്. 25 ഓളം പേര്ക്ക് പരിക്കേറ്റിട്ടുണ്ട്. വ്യാഴാഴ്ച ഉച്ചക്ക് 2.37ഓടെയാണ് സംഭവം. യുപിയിലെ ഗോണ്ട റെയില്വെ സ്റ്റേഷന് സമീപമാണ് ചണ്ഡീഗഡ്-ദിബ്രുഗഡ് എക്സ്പ്രസിൻ്റെ ഏതാനും ബോഗികൾ പാളം തെറ്റിയത്.
ഛണ്ഡീഗഢില് നിന്നും ദിബ്രുഗഢിലേക്കായിരുന്നു യാത്ര. ഉത്തര്പ്രദേശിലെ ജിലാഹി റെയില്വേസ്റ്റേഷനും ഗോസായ് ദിഹ്വയ്ക്കും ഇടയിലാണ് അപകടമുണ്ടായത്.രക്ഷാ പ്രവര്ത്തനം തുടരുകയാണ്. അപകടത്തില് പരിക്കേറ്റവര്ക്ക് മതിയായ ചികിത്സ ഉറപ്പുവരുത്തണമെന്ന് മുഖ്യമന്ത്രി യോഗി ആദിത്യനാഥ് ജില്ലാ അധികാരികള്ക്ക് നിര്ദേശം നല്കി.15904 നമ്പര് ട്രെയിന്റെ 12 കോച്ചുകളിൽ, എസി കമ്പാർട്ടുമെൻ്റിൻ്റെ നാല് കോച്ചുകൾ ജുലാഹി റെയിൽവേ സ്റ്റേഷന് ഏതാനും കിലോമീറ്റർ മുമ്പ് പാളം തെറ്റുകയായിരുന്നു. റെയിൽവേയിലെ ഉന്നത ഉദ്യോഗസ്ഥർ സ്ഥലത്തെത്തിയിട്ടുണ്ട്.
