ചേലക്കരയിൽ വിദ്യാർഥിയുടെ സ്കൂൾ ബാഗിൽ പാമ്പിനെ കണ്ടെത്തി. എൽ.എഫ് ഗേൾസ് ഹയർസെക്കൻഡറി സ്കൂളിലെ പഴയന്നൂർ സ്വദേശിനിയായ പ്ലസ് ടു വിദ്യാർത്ഥിനിയുടെ ബാഗിനുള്ളിലാണ് മലമ്പാമ്പ് കടന്നു കൂടിയത്.
സ്‌കൂളിലെത്തി ഒന്നാം പീരിയഡ് ക്ലാസ് തുടങ്ങിയപ്പോൾ ബാഗ് തുറന്ന് പഠനോപകരണങ്ങൾ പുറത്തെടുക്കുന്നതിനിടെ പാമ്പ് കൈയിൽ കടിച്ചു. ഉടൻതന്നെ കൈവലിച്ച് നോക്കിയപ്പോൾ പാമ്പിനെ കാണുകയും തുടർന്ന് സഹപാഠി ബാഗിന്റെ സിബ്ബ് അടയ്ക്കുകയും ചെയ്തു. വിദ്യാർത്ഥിനിയുടെ വീട്ടിൽ നിന്നുമാണ് പാമ്പ്കയറിക്കൂടിയത് എന്നാണ് നിഗമനം.
