യാത്രക്കാർക്ക് ബസിനുള്ളിൽ ശുദ്ധമായ കുടിവെള്ളം ലഭ്യമാക്കാൻ സർക്കാർ സംരംഭമായ ഹില്ലി അക്വായുമായി ചേർന്ന് കെഎസ്ആർടിസി കുപ്പിവെള്ള വിതരണം ആരംഭിക്കുന്നു. ലിറ്ററിന് പതിനഞ്ച് രൂപ നിരക്കില് സൂപ്പര് ഫാസ്റ്റ് മുതല് ഉയര്ന്ന ശ്രേണിയിലെ സര്വീസുകളില് ബസിനുള്ളില് തന്നെ ശുദ്ധജലം ലഭ്യമാക്കുന്നതിനുള്ള സംവിധാനമാണ് നടപ്പിലാക്കുന്നത്. സൂപ്പർ ഫാസ്റ്റ് മുതൽ ഉയർന്ന ശ്രേണിയിലുള്ള എല്ലാ സർവീസുകളിലും ബസിനുള്ളിൽ തന്നെ ശുദ്ധജലം ലഭ്യമാക്കുന്നതിനുള്ള സംവിധാനമാണ് നടപ്പിലാക്കുന്നത്.
പ്രതിദിനം ചൂട് കൂടിവരുന്ന സാഹചര്യത്തിലാണ് യാത്രക്കാര്ക്ക് പുതിയ സൗകര്യവുമായി കെഎസ്ആര്ടിസി രംഗത്തെത്തുന്നത്. ഏറ്റവും ശുദ്ധവും കൃത്യമായ മാനദണ്ഡങ്ങൾ പാലിച്ചുകൊണ്ടും തയാറാക്കപ്പെടുന്ന ദാഹജലം കുറഞ്ഞ ചെലവിൽ യാത്രക്കാർക്ക് എത്തിക്കുക എന്ന ഉദ്ദേശലക്ഷ്യത്തോടെയാണെന്ന് മാനേജ്മെന്റ് വാർത്താക്കുറിപ്പിൽ അറിയിച്ചു.ബള്ക്ക് പര്ച്ചേസിംഗ് സംവിധാനവും കെഎസ്ആര്ടിസി ഒരുക്കുന്നുണ്ട്. ഇതിനായി ഹോള്സെയില് വിലയില് ലിറ്റിറിന് പത്തു രൂപ നിരക്കില് ശുദ്ധജലം ലഭ്യമാക്കുന്നതിനുള്ള നടപടിയും സ്വീകരിക്കും.
