തിരുവനന്തപുരം: തലസ്ഥാന നഗരിയിലും യുവതിക്കുനേരെ നഗ്നത പ്രദര്ശനം കെ.എസ്.ആര്.ടി.സി ബസിലാണ് യുവതിക്കു നേരേ സഹയാത്രികന് നഗ്നത പ്രദര്ശിപ്പിക്കുകയും അശ്ലീല പ്രവൃത്തിയിലേര്പ്പെടുകയും ചെയ്തത്. സംഭവത്തില് തിരുവനന്തപുരം പട്ടം എല്.ഐ.സിക്കു സമീപത്തെ വെജിറ്റേറിയന് ഹോട്ടലിലൈ ജീവനക്കാരനായ തമിഴ്നാട് മധുര സ്വദേശി സെല്വയെ (25) തമ്പാനൂര് പൊലീസ് അറസ്റ്റു ചെയ്തു.
വെള്ളിയാഴ്ച രാത്രി 8.15-ഓടെ തിരുവനന്തപുരത്തേുള്ള യാത്രയില് മരപ്പാലത്താണ് സംഭവം. വര്ക്കല സ്വദേശിനിയായ 26 കാരിയായ ഡോക്ടര്ക്കുനേരേയായിരുന്നു നഗ്നതാ പ്രദര്ശനം. മൂന്നു പേര്ക്ക് ഇരിക്കാവുന്ന സീറ്റിലാണ് യുവതി ഇരുന്നത്. വിന്ഡോ സൈഡില് ഇരിക്കുന്നയാള് അസ്വാഭാവികമായി പെരുമാറുന്നത് ശ്രദ്ധയില്പ്പെട്ടു. അശ്ലീല പ്രവൃത്തി ചെയ്യുകയാണെന്ന് മനസ്സിലാക്കി യുവതി തിരിഞ്ഞിരുന്നപ്പോള് പ്രതി കാല്മുട്ടിനു മുകളില് സ്പര്ശിക്കുകയും നേരേ തിരിഞ്ഞിരുന്ന് ലൈംഗിക പ്രവൃത്തി ചെയ്യുകയുമായിരുന്നുവെന്ന് പൊലീസ് പറഞ്ഞു.
വീട്ടിലേക്ക് ട്രെയിന് കയറാന് തമ്പാനൂര് റെയില്വേ സ്റ്റേഷനിലേക്ക് പോകുന്നതിനാണ് യുവതി ബസില് കയറിയത്. മൊഴി എടുത്ത തമ്പാനൂര് പൊലീസ് പ്രതിയെ മെഡിക്കല് പരിശോധനയ്ക്ക് ഹാജരാക്കിയ ശേഷം അറസ്റ്റ് രേഖപ്പെടുത്തി.
