ന്യൂഡല്ഹി: ഇന്ത്യന് പൗരത്വം ഉപേക്ഷിച്ചത് 16 ലക്ഷത്തില് അധികംപേരെന്ന് കേന്ദ്ര വിദേശകാര്യമന്ത്രി എസ് ജയശങ്കര്. 2011 മുതലുള്ള കണക്കാണിത്. 2022ല് മാത്രം ഇന്ത്യന് പൗരത്വം ഉപേക്ഷിച്ചത് 2,25,620 ആളുകളെന്നും രാജ്യസഭയില് അംഗങ്ങളുടെ ചോദ്യങ്ങള്ക്ക് മറുപടി നല്കവെ മന്ത്രി അറിയിച്ചു.
2011 മുതല് 2022 വരെ 16 ലക്ഷം (16,63,440) ആളുകളാണ് പൗരത്വം ഉപേക്ഷിച്ചതെന്ന് അദ്ദേഹം വ്യക്തമാക്കി. 2022ലാണ് ഏറ്റവും കൂടുതല് ആളുകള് ഇന്ത്യന് പൗരത്വം ഉപേക്ഷിച്ചത്. കഴിഞ്ഞ മൂന്ന് വര്ഷത്തിനിടെ അഞ്ച് ഇന്ത്യന് പൗരന്മാര് യുഎഇ പൗരത്വം നേടിയതായി അദ്ദേഹം പറഞ്ഞു. ഇന്ത്യക്കാര് പൗരത്വം നേടിയ 135 രാജ്യങ്ങളുടെ പട്ടികയും കേന്ദ്ര മന്ത്രി രാജ്യസഭയില് വിശദീകരിച്ചു.
2011 മുതല് ഇന്ത്യന് പൗരത്വം ഉപേക്ഷിച്ചവരുടെ കണക്ക്
🟣 2011 -1,22,819 🟣 2012 -12,092 🟣 2013 -1,31,405 🟣 2014 -1,29,328
🟣 2015 -1,31,489 🟣 2016 -1,41,603 🟣 2017 -1,33,049 🟣 2018 -1,34,561
🟣 2019 -1,44,017 🟣 2020 -85,256 🟣 2021 -1,63,370 🟣 2022 -2,25,620