കോട്ടയം: വൈക്കത്ത് ദമ്പതികളെ വീടിനുള്ളില്‍ തൂങ്ങിമരിച്ച നിലയില്‍ കണ്ടെത്തി. വൈക്കം മറവന്‍ന്തുരുത്ത് പഞ്ചായത്ത് തറവട്ടത്ത് വൃന്ദാവനില്‍ നടേശന്‍ (48), ഭാര്യ സിനിമോള്‍ (43) എന്നിവരെയാണ് വീടിനുള്ളില്‍ വൈകിട്ട് ആറുമണിയോടെ തൂങ്ങിമരിച്ച നിലയില്‍ കണ്ടെത്തിയത്.
മൈക്രോ ഫിനാന്‍സ് സ്ഥാപനങ്ങളില്‍ നിന്നടക്കമുള്ള സാമ്പത്തിക ബാധ്യതമൂലമാണ് ഇവര്‍ ജീവനൊടുക്കിയതെന്ന് പറയപ്പെടുന്നു. മൂന്ന് വര്‍ഷം മുമ്പ് കെ.എസ്.ആര്‍.ടി.സിയില്‍ എം പാനല്‍ ജീവനക്കാരനായിരുന്ന നടേശന്‍ ജോലിയില്‍ നിന്നും പിരിച്ചുവിട്ടതിനുശേഷം കക്ക വാരല്‍ തൊഴിലാളിയായി ഉപ ജീവനം നടത്തിവരികയായിരുന്നു.
