ഇടുക്കി: ഗവര്ണര് ആരിഫ് മുഹമ്മദ് ഖാനെതിരെതിരായ എസ്എഫ്ഐയുടെ പ്രതിഷേധത്തെ ന്യായീകരിച്ച് മന്ത്രി പി.രാജീവ്.
ഗവര്ണര്ക്കും മുഖ്യമന്ത്രിക്കും എതിരായ സമരം ഒരേ തട്ടില് കാണരുതെന്ന് മന്ത്രി പറഞ്ഞു.സുരക്ഷാ ഉദ്യോഗസ്ഥരുടെ നിര്ദേശങ്ങള് ഗവര്ണര് പാലിക്കണം. ഗവര്ണര് വാഹനത്തിന് പുറത്തിറങ്ങിയത് എന്തിനാണെന്നും മന്ത്രി ചോദിച്ചു.
എസ്എഫ്ഐ ഗവര്ണര്ക്കെതിരേ നടത്തിയ സമരം ഏത് രീതിയില് ഉള്ളതാണെന്ന് റിപ്പോര്ട്ട് കിട്ടിയാലേ പറയാന് കഴിയൂ എന്നും മന്ത്രി കൂട്ടിച്ചേര്ത്തു. തിങ്കളാഴ്ച വൈകുന്നേരം രാജ്ഭവനില് നിന്നു വിമാനത്താവളത്തിലേക്ക് പോയപ്പോഴാണ് ഗവര്ണര്ക്കെതിരേ പ്രതിഷേധമുണ്ടായത്.
ഇതോടെ കാര് റോഡില് നിര്ത്തി ഗവര്ണര് പുറത്തിറങ്ങി ക്ഷുഭിതനായിരുന്നു. സംസ്ഥാനത്ത് ഗുണ്ടാരാജാണെന്നും തനിക്കെതിരെ പ്രതിഷേധക്കാരെ നിയോഗിച്ചത് മുഖ്യമന്ത്രിയാണെന്നും ഗവര്ണര് ആരോപിച്ചിരുന്നു.