കണ്ണൂര്: ആകാശ് തില്ലങ്കേരിയെ കാപ്പ ചുമത്തി അറസ്റ്റ് ചെയ്തു. മുഴക്കുന്ന് പൊലീസാണ് ആകാശിനെ അറസ്റ്റ് ചെയ്തത്. ആകാശിന്റെ സുഹൃത്ത് ജിജോയെയും കാപ്പ ചുമത്തി അറസ്റ്റ് ചെയ്തിട്ടുണ്ട്. പുലര്ച്ചെ നാലരയോടെ ഇരുവരെയും കണ്ണൂര് സെന്ട്രല് ജയിലിലെത്തിച്ചു. ആകാശും ജിജോയും സ്ഥിരം കുറ്റവാളിയാണെന്ന പൊലീസ് റിപ്പോര്ട്ട് ജില്ലാ കളക്ടര് അംഗീകരിച്ചതോടെ ഇനി ആറു മാസത്തേക്ക് ഇരുവര്ക്കും പുറത്തിറങ്ങാനാകില്ല. തില്ലങ്കേരിയിലെ ആര്എസ്എസ് പ്രവര്ത്തകന് വിനീഷ് വധക്കേസിലും ഷുഹൈബ് വധക്കേസിലും പ്രതിയാണ് ആകാശ് തില്ലങ്കേരി. ഇതുള്പ്പടെ 14 ക്രിമിനല് കേസുകളാണ് ഉള്ളത്. കൂട്ടാളി ജിജോക്കെതിരെ 23 കേസുകളും നിലവിലുണ്ട്.