ന്യൂഡൽഹി:സിവിൽ സർവീസ് പരീക്ഷാ ഫലം പ്രസിദ്ധീകരിച്ചു. 2019 സെപ്റ്റംബറിൽ നടന്ന മെയിൻ എഴുത്തു പരീക്ഷയുടെയും 2020 ഫെബ്രുവരി മുതൽ ഓഗസ്റ്റു വരെ നടന്ന അഭിമുഖ പരീക്ഷയുടെയും ചേർന്നുള്ള ഫലമാണ് പ്രസിദ്ധീകരിച്ചത്. ആദ്യ 100 റാങ്കുകളില്‍ പത്ത് മലയാളികളും ഉൾപ്പെടുന്നു. സി.എസ്. ജയദേവ് അഞ്ചാം റാങ്ക് സ്വന്തമാക്കി. പ്രദീപ് സിങ്ങിനാണ് ഒന്നാം റാങ്ക്. ജതിൻ കിഷോർ, പ്രതിഭ വർമ എന്നിവർക്കാണ് രണ്ടും മൂന്നും റാങ്കുകൾ. www.upsc.gov.in എന്ന വെബ്‌സൈറ്റ് വഴി ഉദ്യോഗാര്‍ത്ഥികള്‍ക്ക് ഫലം പരിശോധിക്കാം. രാജ്യത്താകെ 829 പേരാണ് യോഗ്യത നേടിയത്. ഇവരെ യഥാക്രമം ഐഎഎസ്, ഐഎഫ്എസ്, ഐപിഎസ്, കേന്ദ്ര സർവീസ് ഗ്രൂപ് എ, ബി എന്നവിടങ്ങളിൽ നിയമിക്കും
റാങ്ക് നേടിയ മലയാളികൾ (റാങ്ക്, പേര് എന്നീ ക്രമത്തിൽ) 5 സിഎസ്. ജയദേവ്, 36 ആർ. ശരണ്യ, 45 സഫ്ന നസ്റുദ്ദീൻ, 47 ആർ. ഐശ്വര്യ, 55 അരുൺ എസ്. നായർ, 68 എസ്. പ്രിയങ്ക, 71 ബി. യശശ്വിനി, 89 നിഥിൻ കെ. ബിജു, 92 എ.വി. ദേവി നന്ദന, 99 പി.പി. അർച്ചന.
സിവിൽ സർവീസ് പരീക്ഷയിൽ തിരുവനന്തപുരത്തിന് അഭിമാനമായി എഗ്നക്ലീറ്റസ്.
തിരുവനന്തപുരം : സിവിൽ സർവീസ് പരീക്ഷയിൽ ആ 228 മത് റാങ്ക് തലസ്ഥാനത്തേക്ക് . കോവിഡ് വാർത്തകൾ തിരുവനന്തപുരത്തെ മൂടുമ്പോഴും ഇന്നത്തെ ഏറ്റവും സന്തോസകരമായ വാർത്തയായി മാറുന്നു ഈ മിടുക്കിയുടേത് .തലസ്ഥാനത്തെ തീരപ്രദേശമായ വലിയതുറ വാർഡിലെ വലിയതോപ്പിൽ ക്ലീറ്റസ് – ഷീജ ദമ്പതികളുടെ മകളായ എഗ്നക്ലീറ്റസ് സിവിൽ സർവീസിൽ 228 -മത് റാങ്കോടു കൂടി ഉന്നത വിജയം കരസ്ഥമാക്കി.
