രണ്ട് മാസം കൂടുമ്പോഴുള്ള ബില്ലിന് പകരം മാസം തോറും ബില്ല് ഈടാക്കുന്ന കാര്യം കെഎസ് ഇബി സജീവമായി പരിഗണിക്കുന്നു. സ്പോട്ട് ബില്ലിനൊപ്പം ക്യൂ ആര് കോഡ് ഏര്പ്പെടുത്തി ഉടൻ പേയ്മെന്റ് നടത്തുന്നതും താമസിയാതെ നിലവിൽ വരും.
കെഎസ്ഇബിയുടെ 1.40 കോടിഉപഭോക്താക്കൾക്കുള്ള ബില്ലിംഗ് ലളിതമാക്കാനുള്ള പദ്ധതിയുടെ ഭാഗമായാണ് കെഎസ്ഇബി ഈ പ്രശ്നങ്ങൾ പരിഗണിക്കുന്നത്. രണ്ട് മാസം കൂടുമ്പോഴുള്ള ബില്ലിന് പകരം പ്രതിമാസ ബിൽ ഏര്പ്പെടുത്തണമെന്നത് ഉപഭോക്താക്കള് ഏറെ കാലമായി ആവശ്യപ്പെടുന്നതാണ്. നിങ്ങളുടെ ഉപഭോഗം 200 യൂണിറ്റിന് മുകളിൽ ഉപഭോഗം കടന്നാൽ തുടര്ന്നുള്ള ഓരോ യൂണിറ്റിനും ഉയര്ന്ന താരിഫായ 8 രൂപ 20 പൈസ കൊടുക്കണം. രണ്ട് മാസത്തെ ബില്ലായി പലര്ക്കും താരതമ്യന ഉയര്ന്ന തുക കൊടുക്കേണ്ടി വരുന്നു. ഇത് പ്രതിമാസമാസമായാൽ ഉയർന്ന താരിഫും അമിത ബില്ലും ഒഴിവാക്കാമെന്നതാണ് ഗുണം.
