തിരൂര്‍:നവകേരള സദസ് തിങ്കളാഴ്ച മുതല്‍ നാലുദിവസം മലപ്പുറത്ത്. 30വരെയാണ് ജില്ലയില്‍ നവകേരള സദസ് നടക്കുക. തിരൂര്‍, മലപ്പുറം, പെരിന്തല്‍മണ്ണ കേന്ദ്രമായുള്ള മൂന്ന് പ്രഭാത സദസുകള്‍ ഉള്‍പ്പെടെ ആകെ 19 പരിപാടികളിലാണ് മുഖ്യമന്ത്രിയും മന്ത്രിമാരും പങ്കെടുക്കുക.
ദിവസവും നാല് മണ്ഡലങ്ങളില്‍ പര്യടനം നടത്തും.
തിങ്കളാഴ്ച രാവിലെ ഒമ്ബതിന് തിരൂര്‍ ബിയാന്‍കോ കാസിലില്‍ പ്രഭാതസദസ് നടക്കും. തിരൂര്‍, തവനൂര്‍, പൊന്നാനി, താനൂര്‍ മണ്ഡലങ്ങളിലെ പ്രമുഖര്‍ ആദ്യ പ്രഭാതസദസില്‍ പങ്കെടുക്കും. തുടര്‍ന്ന് 11 ന് പൊന്നാനി ഹാര്‍ബര്‍ ഗ്രൗണ്ടില്‍ ജില്ലയിലെ ആദ്യ സദസ് നടക്കും.
ഉച്ചതിരിഞ്ഞ് മൂന്നിന് എടപ്പാള്‍ സഫാരി പാര്‍ക്കിലും വൈകുന്നേരം 4.30ന് തിരൂരിലെ ജിബിഎച്ച്‌എസ്‌എസ് മൈതാനത്തിലും വൈകുന്നേരം ആറിന് താനൂര്‍ ഉണ്യാല്‍ ഫിഷറീസ് സ്റ്റേഡിയത്തിലും നവകേരള സദസ് നടക്കും.
