ധ്യാന്‍ ശ്രീനിവാസന്‍ ആദ്യമായി അദ്ധ്യാപകനായി വേഷമിടുന്നു. മൈന ക്രിയേഷന്‍സിനു വേണ്ടി ജസ്പാല്‍ ഷണ്‍മുഖന്‍ സംവിധാനം ചെയ്യുന്ന സ്വര്‍ഗ്ഗത്തിലെ കട്ടുറുമ്പ് എന്ന ചിത്രത്തിലാണ് ധ്യാന്‍ ശ്രീനിവാസന്‍ ആദ്യമായി ഒരു അദ്ധ്യാപകന്റെ വേഷത്തിലെത്തുന്നത്. ഇടുക്കിയിലെ കുട്ടമ്പുഴ ഗ്രാമത്തിലെ നാട്ടുകാരുടെ കണ്ണിലുണ്ണിയായ ജോസ് എന്ന ഹയര്‍ സെക്കണ്ടറി അദ്യാപകന്‍.
കുട്ടമ്പുഴ ഗ്രാമത്തിലെ ഊര്‍ജ്വസ്വലനായ യുവാവായിരുന്നു ജോസ്. നാട്ടുകാരുടെ കണ്ണിലുണ്ണി. നല്ലൊരു അദ്യാപകനായി പേരെടുക്കുകയായിരുന്നു ജോസിന്റെ പ്രധാന ലക്ഷ്യം. ധ്യാന്‍ ശ്രീനിവാസന്റെ വ്യത്യസ്ത വേഷമായി മാറുകയാണ് ജോസ് എന്ന അദ്യാപകന്‍. ഇടുക്കിയിലെ ഒരു തനി നാട്ടുമ്പുറത്തുകാരന്‍. ജോസ് എന്ന നന്മ നിറഞ്ഞ യുവാവിന്റെ വേഷം, ധ്യാന്‍ ശ്രിനിവാസന് പുതിയൊരു മുഖം നേടിക്കൊടുക്കും. മെമ്പര്‍ രമേശന്‍ വാര്‍ഡ് നമ്പര്‍ 9 എന്ന ചിത്രത്തിലെ നായിക ഗായത്രി അശോക് ആണ് ധ്യാന്‍ ശ്രിനിവാസന്റെ നായികയായി എത്തുന്നത്. ഒരു അദ്യാപകനായ നിര്‍മ്മാതാവ് ശിവന്‍കുട്ടന്‍, തന്റെ അനുഭവങ്ങളില്‍ നിന്ന് വാര്‍ത്തെടുത്ത കഥയാണ് ചിത്രത്തിനായി ഉപയോഗപ്പെടുത്തിയത്.
ധ്യാന്‍ ശ്രീനിവാസന്‍, ഗായത്രി അശോക്, ജോയി മാത്യു, കോബ്രാ രാജേഷ്, രാജേഷ് പറവൂര്‍, നിര്‍മ്മല്‍ പാലാഴി, ജയകൃഷ്ണന്‍, ശിവന്‍കുട്ടന്‍ കെ.എന്‍, സുധി കൊല്ലം, ടോണി, മനോഹരി ജോയി എന്നിവരോടൊപ്പം മറ്റ് പ്രമുഖ താരങ്ങളും വേഷമിടുന്നു.
മൈന ക്രിയേഷന്‍സിനു വേണ്ടി ശിവന്‍കുട്ടന്‍ കെ.എന്‍, വിജയകുമാര്‍ എന്നിവര്‍ ചേര്‍ന്ന് നിര്‍മ്മിക്കുന്ന സ്വര്‍ഗ്ഗത്തിലെ കട്ടുറുമ്പ്, ജസ്പാല്‍ ഷണ്‍മുഖം സംവിധാനം ചെയ്യുന്നു. കഥ – ശിവന്‍കുട്ടന്‍ വടയമ്പാടി, തിരക്കഥ, സംഭാഷണം – വിജു രാമചന്ദ്രന്‍ ,പ്രൊജക്റ്റ് ഡിസൈനര്‍ -എന്‍.എം.ബാദുഷ, ക്യാമറ – അശ്വഘോഷന്‍, എഡിറ്റര്‍ – കപില്‍ ഗോപാലകൃഷ്ണന്‍, ഗാനങ്ങള്‍ – സന്തോഷ് വര്‍മ്മ ,സംഗീതം – ബിജിപാല്‍, പ്രൊഡക്ഷന്‍ കണ്‍ട്രോളര്‍- വിനോദ് പറവൂര്‍, അസോസിയേറ്റ് ഡയറക്ടര്‍ – ജയരാജ്, പ്രൊഡക്ഷന്‍ എക്‌സിക്യൂട്ടീവ് – ഷിബു പന്തലകോട്, കല – കോയ, മേക്കപ്പ് -രാജീവ് അങ്കമാലി, കോസ്റ്റ്യൂം – കുമാര്‍ ഇപ്പൊള്‍, സ്റ്റില്‍ – ശ്രീനി മഞ്ചേരി, പി.ആര്‍.ഒ- അയ്മനം സാജന്‍.
