ഡല്ഹി: പ്രധാനമന്ത്രി നരേന്ദ്രമോദിയുടെ അമേരിക്കന് സന്ദര്ശനത്തിന് ഇന്ന് തുടക്കം കുറിക്കും. അമേരിക്കന് പ്രസിഡന്റ് ജോ ബൈഡന്റെ ക്ഷണപ്രകാരമാണ് പ്രധാനമന്ത്രിയുടെ സന്ദര്ശനം. ഇന്ന് യാത്ര തിരിക്കുന്ന പ്രധാനമന്ത്രിക്ക് ന്യൂയോര്ക്കില് വച്ച് അമേരിക്കയിലെ ഇന്ത്യന് വംശജര് വന് സ്വീകരണമൊരുക്കും. അമേരിക്കന് കോണ്ഗ്രസിനെ നരേന്ദ്രമോദി അഭിസംബോധന ചെയ്യും. അന്താരാഷ്ട്ര യോ?ഗ ദിനമായ ജൂണ് 21-ന് ന്യൂയോര്ക്കിലെ ഐക്യരാഷ്ട്രസഭ ആസ്ഥാനത്ത് നടക്കുന്ന യോഗ സെഷന് പ്രധാനമന്ത്രി നരേന്ദ്രമോദി നേതൃത്വം നല്കും. ജൂണ് 22-നാണ് ഇരു രാജ്യങ്ങളും തമ്മിലുള്ള പ്രധാന നയതന്ത്ര ചര്ച്ചകള് നടക്കുക.
പ്രതിരോധ സഹകരണം, നിര്ണായകമായ സാങ്കേതികവിദ്യകള് എന്നിവ ചര്ച്ച ചെയ്യുന്ന ഉന്നതതല യോഗങ്ങളില് നരേന്ദ്രമോദി പങ്കെടുക്കും. ഇതിനെല്ലാം പുറമെ ഭാരതം കാത്തിരിക്കുന്ന ഒരു നിര്ണായക കരാറില് പ്രധാനമന്ത്രി ഒപ്പ് വയ്ക്കും എന്നുള്ള റിപ്പോര്ട്ടും പുറത്തു വരുന്നുണ്ട്. ഇന്ത്യയില് യുദ്ധവിമാന എഞ്ചിനുകള് നിര്മ്മിക്കുന്നതടക്കമുള്ള കരാറുകളിലാണ് പ്രധാനമന്ത്രി ഒപ്പു വെയ്ക്കുക.