കൊച്ചി: തദ്ദേശസ്ഥാപനങ്ങളുടെ സേവനങ്ങള്‍ ഒറ്റ ആപ്പില്‍ ജനങ്ങളിലേക്കെത്തുന്ന കെ-സ്മാര്‍ട്ട് പദ്ധതിക്ക് കൊച്ചിയില്‍ തുടക്കമായി.
ഗോകുലം കണ്‍വൻഷൻ സെന്‍ററില്‍ നടന്ന ചടങ്ങില്‍ മുഖ്യമന്ത്രി പിണറായി വിജയനാണ് കെ- സ്മാര്‍ട്ട് ആപ്പ് ഉദ്ഘാടനം ചെയ്തത്.
ഇൻഫര്‍മേഷൻ കേരള മിഷനാണ് കെ- സ്മാര്‍ട്ട് ആപ് വികസിപ്പിച്ചത്. തദ്ദേശ സ്വയംഭരണ സ്ഥാപനങ്ങളില്‍ നിന്നുമുള്ള സേവനങ്ങള്‍ സമയബന്ധിതമായി ഓഫീസുകളില്‍ പോകാതെ തന്നെ ഇനി ജനങ്ങളിലേക്കെത്തുന്ന തരത്തിലാണ് കെ- സ്മാര്‍ട്ട് ആപ്പിന്‍റെ പ്രവര്‍ത്തനം. ആദ്യം കോര്‍പ്പറേഷനുകളിലും നഗരസഭകളിലുമാണ് കെ- സ്മാര്‍ട്ടിന്‍റെ സേവനം ലഭിക്കുക. ഏപ്രില്‍ ഒന്നുമുതല്‍ മുഴുവൻ പഞ്ചായത്തുകള്‍ കൂടി കെ-സ്മാര്‍ട്ട് ആപ്പിന്‍റെ പരിധിയിലേക്കെത്തും.
