കൊല്ലം: അഞ്ചലില് കൈക്കൂലി വാങ്ങുന്നതിനിടയില് താലൂക്ക് സര്വേയര് വിജിലന്സിന്റെ പിടിയില്. പുനലൂര് താലൂക്കിലെ സര്വേയര് മനോജ് ലാലാണ് 2000 രൂപ കൈക്കൂലി വാങ്ങുന്നതിനിടയില് കൊല്ലം വിജിലന്സിന്റെ പിടിയിലായത്. അറസ്റ്റിലായ മനോജ് ലാല് ജോയിന്റ് കൗണ്സില് അഞ്ചല് മേഖലാ സെക്രട്ടറിയാണ്. കരവാളൂര് സ്വദേശിയുടെ വസ്തു അളന്നു തിട്ടപെടുത്തുന്നതുമായി ബന്ധപ്പെട്ട് 5000 രൂപ കൈക്കൂലി സര്വ്വേയറായ മനോജ് ലാല് ആവശ്യപ്പെടുകയായിരുന്നു. ഇതോടെ പരാതിക്കാരന് വിജിലന്സിന് പരാതി നല്കി. ഇതേ തുടര്ന്ന് വിജിലന്സ് നല്കിയ പണം അഞ്ചല് മിനി സിവില് സ്റ്റേഷന് പരിസരത്തു വെച്ചു പരാതിക്കാരന് കൈമാറുന്നതിനിടയിലാണ് പിടിയിലായത്.
2000 രൂപ മനോജ് ലാലിനു പരാതിക്കാരന് കൈമാറുന്നതിനിടയില് കാത്തു നിന്ന വിജിലന്സ് സംഘം മനോജിനെ പിടികൂടുകയായിരുന്നു. വിജിലന്സ് പണം പിടിച്ചെടുക്കുകയും മനോജ് ലാലിന്റെ അറസ്റ്റ് രേഖപെടുത്തുകയും ചെയ്തു. കൊല്ലം വിജിലന്സ് ഡിവൈഎസ്പി അബ്ദുല് വഹാബിന്റെ നേതൃത്വത്തിലുള്ള സംഘമാണ് മനോജ് ലാലിനെ അറസ്റ്റ് ചെയ്തത്.