കാന്സ് ഫിലിം ഫെസ്റ്റിവലില് ഗ്രാന് പ്രീ പുരസ്കാരം നേടിയവരെ അഭിനന്ദിച്ച് കോണ്ഗ്രസ് നേതാവ് രാഹുല് ഗാന്ധി. ഇവർ ഇന്ത്യയ്ക്ക് അഭിമാനമാണെന്നും ഇന്ത്യൻ സിനിമ കൂട്ടായ്മയ്ക്ക് പ്രചോദനമാണെന്നും രാഹുൽ ഗാന്ധി സോഷ്യൽ മീഡിയ പോസ്റ്റിലൂടെ കുറിച്ചു.പായല് കപാഡിയയുടെ ‘ഓള് വി ഇമാജിന് ആസ് ലൈറ്റ്’നാണ് കാന്സില് ഗ്രാന്പ്രീ ലഭിച്ചത്. മൂന്ന് പതിറ്റാണ്ടിനുശേഷമാണ് ഒരു ഇന്ത്യന് ചിത്രം കാന് ഫെസ്റ്റിവല് വേദിയിലേക്കെത്തുന്നത്.
കാനിൽ തിളങ്ങി ഇന്ത്യൻ താരങ്ങൾ. അഭിമാനകരമായ ഗ്രാൻഡ് പ്രീ പുരസ്കാരം നേടിയ പായൽ കപാഡിയയ്ക്കും ഓൾ വി ഇമാജിൻ ആസ് ലൈറ്റിന്റെ മുഴുവൻ ടീമിനും അഭിനന്ദനങ്ങൾ. ‘ദ ഷെയിംലെസ്സ്’ എന്ന ചിത്രത്തിലെ അഭിനയത്തിന് അൺ സെർട്ടെയ്ൻ റിഗാർഡ് വിഭാഗത്തിൽ മികച്ച നടിക്കുള്ള പുരസ്കാരം നേടിയ അനസൂയ സെൻഗുപ്തയ്ക്കും അഭിനന്ദനങ്ങൾ. ഈ സ്ത്രീകൾ ചരിത്രം രചിക്കുകയാണ്, ഇന്ത്യൻ ചലച്ചിത്ര കൂട്ടായ്മയെ മുഴുവൻ പ്രചോദിപ്പിക്കുകയാണ്, രാഹുൽ കുറിച്ചു.
ഫ്രാന്സിസ് ഫോര്ഡ് കൊപ്പോളയുടെ മെഗാലോപോളിസ്, സീന് ബേക്കറുടെ അനോറ, യോര്ഗോസ് ലാന്തിമോസിന്റെ കൈന്ഡ്സ് ഓഫ് ദയ, പോള് ഷ്രാഡറിന്റെ ഓ കാനഡ, മാഗ്നസ് വോണ് ഹോണിന്റെ ദി ഗേള് വിത്ത് ദ നീഡില്, പൗലോ സോറന്റീനോയുടെ പാര്ഥെനോപ്പ് എന്നിവയും കാന് ഫെസ്റ്റിവലില് മത്സരിച്ചുഅതേ സമയം പിയർ അജെന്യൂ പുരസ്കാരം സന്തോഷ് ശിവനാണ് നേടിയത്. അന്താരാഷ്ട്ര തലത്തിൽ മികവ് പുലർത്തുന്ന ഛായാഗ്രാഹകർക്ക് നൽകുന്ന പുരസ്കാരമാണിത്.
