വിവാദമായതിനെ തുടര്ന്ന് കരിഞ്ഞണ്ട് എന്ന മ്യൂസിക് ആല്ബം യുട്യൂബില് നിന്നും നീക്കം ചെയ്തു. സംവിധായകന് സനല് പാടിക്കാനം തന്നെയാണ് ഇക്കാര്യം ഫേസ്ബുക്കിലൂടെ അറിയിച്ചത്.
കേരളത്തിലെ ഗ്രോത്ര വിഭാഗങ്ങള്ക്കിടയില് പ്രചാരത്തിലുള്ള രീ..രീ..രീ എന്ന ഗാനത്തിന്റെ ദൃശ്യാവിഷ്കരണമായിരുന്നു കരിഞ്ഞണ്ടിലുള്ളത്. എന്നാല് ഈ വീഡിയോ വലിയതോതില് വിമര്ശങ്ങള്ക്ക് കാരണമായി. ആദിവാസികളെ വംശീയമായി അധിക്ഷേപിക്കുന്നതാണെന്നായിരുന്നു വിമര്ശകര് ചൂണ്ടിക്കാട്ടിയത്. ആദിവാസികളെന്നാല് വികൃതരാണെന്ന ഒരു ഇമേജാണ് പൊതുസമൂഹത്തില് പ്രചരിപ്പിക്കുന്നതെന്നുമായിരുന്നു സോഷ്യല് മീഡിയയുടെ മറ്റൊരു വിമര്ശനം. ആല്ബത്തിനെതിരെ ട്രോളുകളും വ്യാപകമായി പ്രചരിച്ചിരുന്നു.
”സാമൂഹ്യ മാധ്യമങ്ങളില് ചര്ച്ചയ്ക്ക് വിധേയമായ ‘കരിഞ്ഞണ്ട്, എന്ന ഫോക്ക് മുസിക്കല് ആല്ബം യൂട്യൂബില് നിന്നും റിമോവ് ചെയ്തിരിക്കുന്നു. ആയതിനാല് ഇതിന്മ്മേലുള്ള ചര്ച്ചകള് അവസാനിക്കുമെന്ന് കരുതുന്നു” സനല് ഫേസ്ബുക്കില് കുറിച്ചു.
സനല് പാടിക്കാനത്തിന്റെ കുറിപ്പ്:
ക്ഷമിക്കണം, ആരെയും അപമാനിക്കാന് വേണ്ടി ചെയ്ത വീഡിയോ ആല്ബമല്ല കരിഞ്ഞണ്ട്. മന: പൂര്വ്വം കറുപ്പ് നിറം ഉപയോഗിച്ചതുമില്ല. ഞാനും ഈ സമൂഹത്തില് ജീവിക്കുന്നവനല്ലെ. തെറ്റായിട്ട് ചിത്രീകരിക്കാന് എനിക്കും സാധിക്കില്ല., ആദ്യം പിക്കോക്ക് നീലയും, ചുവപ്പും ഗ്രീനും ചെയ്താലോ എന്ന ആലോചനയില് ആയിരുന്നു. വിഷ്യല് ബ്യൂട്ടിക്ക് വേണ്ടി. എന്നാല് ഞങ്ങളുടെ എല്ലാവരുടേയും തീരുമാന പ്രകാരം കറുപ്പിലേക്ക് മാറ്റുകയാണ് ഉണ്ടായത്. ഇതിനൊരു പ്രൊഡ്യൂസര് ഇല്ല. എല്ലാവരും ഷെയര് ചെയ്തെടുത്ത ക്യാഷ് കൊണ്ടാണ് വര്ക്ക് മുഴുവനും തീര്ത്തത്, കറുപ്പിലേക്കെത്താന് ഒരു കാര്യവും കൂടിയുണ്ട്. കാഞ്ഞങ്ങാട് നാടന് കലകളില് പെട്ട ആലാമിക്കളി ഇന്നും കരിതേച്ചാണ് അടി തിമിര്ക്കുന്നത്. മറിച്ച് ഏതൊരു ആദിമവാസികളേയും ഞാനും, എന്റെ ക്രുവും ഉദ്ദേശിച്ചിട്ടില്ല. മനസു വേദനിപ്പിച്ചിട്ടുണ്ടെങ്കില് മാപ്പ് അപേക്ഷിക്കുകയാണ്. ഒരു കൂട്ടം കാലാകാരന്മാരുടെ കലയെ മാത്രമാണ് ഞാന് മുന്പോട്ട് വെച്ചത് ക്ഷമിക്കണം. തെറ്റുപറ്റിയതില്. വീഡിയോ റിമൂവ് ചെയ്യാം. ഒരു സ്വപ്നമെന്നോണമാണ് ഈ ആല്ബം ചെയ്തിരിക്കുന്നത്. ക്ഷമിക്കണം വീഡിയോ റിമൂവ് ചെയ്യുന്നതായരിക്കും. അറിഞ്ഞ് കൊണ്ട് ഒന്നും ചെയ്തില്ല.
ഒന്നു കൂടെ നവ മാധ്യമ സുഹൃത്തുക്കളോട് പറയുവാന് ആഗ്രഹിക്കുന്നു. കുറച്ച് ദിവസത്തെ അധ്വാനം കലാകാരന്മാര് എന്ന നിലയിലെങ്കിലും അംഗീകരിക്കണമെന്ന് വിനീതമായ് അപേക്ഷിക്കുന്നു. മാപ്പ് മാപ്പ് മാപ്പ്,,,,,,