ഇടുക്കി : പാര്ട്ടി ഓഫിസുകള് അടച്ച് പൂട്ടാന് ഒരു ശക്തിക്കും കഴിയില്ല, ഹൈക്കോടതിയെ വെല്ലുവിളിച്ച് സിപിഎം ഇടുക്കി ജില്ലാ സെക്രട്ടറി. പരസ്യപ്രസ്താവന പാടില്ലെന്ന കോടതി നിര്ദേശം ലംഘിച്ച സിപിഎം ഇടുക്കി ജില്ലാ സെക്രട്ടറി സി.വി.വര്ഗീസ്. സിപിഎമ്മിന്റെ പാര്ട്ടി ഓഫിസുകള് അടച്ച് പൂട്ടാന് ഒരു ശക്തിക്കും കഴിയില്ല. ഒരു ശക്തിയെയും അനുവദിക്കില്ലെന്ന് സി.വി.വര്ഗീസ് വെല്ലുവിളിച്ചു. ഓഫീസ് കെട്ടിട നിര്മാണ വിഷയത്തില് ജില്ലയിലെ 164 പാര്ട്ടി കേന്ദ്രങ്ങളില് നടക്കുന്ന ത്രിദിന പ്രതിഷേധങ്ങളുടെ ഭാഗമായി അടിമാലിയില് സംസാരിക്കവെയാണ് വര്ഗീസിന്റെ പരാമര്ശം.
നിയമപരമായ വ്യവസ്ഥതകള് ഉപയോഗിച്ച് പാര്ട്ടി നേരിടും, ഞങ്ങള്ക്ക് ആശങ്കയില്ല. 1964 ലെ ഭൂപതിവ് വിനയോഗം ചട്ടഭേദഗതി ബില് ഈ മാസം 14 ന് ചേരുന്ന നിയമ സഭ സമ്മേളനത്തില് അവതരിപ്പിക്കും. ഇതോടെ ഇടുക്കിയിലെ നിര്മാണ നിരോധനം മാറും. ഇതോടെ ജില്ലയിലെ സിപിഎമ്മിന്റെ എല്ലാ പാര്ട്ടി ഓഫിസുകളും സൈ്വര്യമായി പ്രവര്ത്തിച്ചിരിക്കും.
അന്പത് വര്ഷക്കാലമായി പ്രവര്ത്തിക്കുന്ന ശാന്തന്പാറ ഏരിയാ കമ്മിറ്റി ഓഫിസ് അനധികൃതമാണെന്ന് പറയുന്നത്. വീട്ടില് പട്ടിണി കിടക്കുമ്പോളും അരിമേടിക്കാന് വച്ച പൈസ നല്കി സഖാക്കള് നിര്മിച്ച ഓഫിസുകളാണിതെന്നും സി.വി.വര്ഗീസ് പറഞ്ഞു.