ന്യൂഡല്ഹി: കര്ണാടക മുഖ്യമന്ത്രിയായ ബി.എസ്. യെദിയൂരപ്പ രാജിവച്ചേക്കുമെന്ന് റിപ്പോര്ട്ട്. യെദിയൂരപ്പ രാജിസന്നദ്ധത പ്രധാനമന്ത്രിയെ അറിയിച്ചതായാണ് സൂചന.
അതേസമയം,കേന്ദ്ര നേതൃത്വത്തിന് തന്നില് വിശ്വാസം ഉള്ളിടത്തോളം മുഖ്യമന്ത്രിയായി തുടരുമെന്നും കേന്ദ്ര നേതൃത്വം ആവശ്യപ്പെട്ടാല് മുഖ്യമന്ത്രി സ്ഥാനത്ത് നിന്ന് രാജി വെക്കാൻ തയാറാണെന്നും യെദിയൂരപ്പ നേരത്തേ തന്നെ അറിയിച്ചിരുന്നു.
കര്ണാടക മന്ത്രിസഭാ പുനസംഘടനയ്ക്ക് ശേഷം യെദിയൂരപ്പക്കെതിരെ വിമത നീക്കം സജീവമായിരുന്നു. യെദിയൂരപ്പ തന്റെ ഇഷ്ടക്കാരെ മാത്രം മന്ത്രിമാരാക്കിയെന്നാണ് എംഎല്എമാരുടെ പരാതി. ഇതിനു പിന്നാലെയാണ് അദ്ദേഹം രാജിസന്നദ്ധത അറിയിച്ചത്.