പത്തനംതിട്ട: ശബരിമലയില്‍ അസൗകര്യമുണ്ടെന്ന പ്രചാരണം രാഷ്‌ട്രീയ താത്പര്യം മൂലമെന്ന് ദേവസ്വം ബോര്‍ഡ് പ്രസിഡന്‍റ് പി.എസ്.പ്രശാന്ത്.
സര്‍ക്കാരും ദേവസ്വം ബോര്‍ഡും ഒന്നും ചെയ്തില്ലെന്നത് വ്യാജപ്രചാരണമാണെന്നും അദ്ദേഹം പറഞ്ഞു.പ്രായമായ സ്ത്രീകളും കുട്ടികളും പടികയറാന്‍ ഏറെ സമയമെടുക്കുന്നുണ്ട്. തിരക്ക് വര്‍ധിക്കാന്‍ ഇതൊരു പ്രധാന കാരണമാണെന്നും അദ്ദേഹം കൂട്ടിച്ചേര്‍ത്തു.മുന്‍കാലങ്ങളിലേതിനേക്കാള്‍ സൗകര്യങ്ങള്‍ മെച്ചപ്പെടുത്തുകയാണ് ഇത്തവണ ചെയ്തത്. മുഖ്യമന്ത്രിയും ദേവസ്വംമന്ത്രിയും പലവട്ടം അവലോകനയോഗം നടത്തിയതാണ്.ദര്‍ശനസമയം 18 മണിക്കൂറാക്കി നീട്ടിയിട്ടുണ്ട്. ശുചിമുറിയുള്‍പ്പെടെയുള്ള സൗകര്യങ്ങള്‍ വര്‍ധിപ്പിച്ചു. ചുക്കു വെള്ളവും ലഘുഭക്ഷണവും ആവശ്യത്തിന് കരുതിയിട്ടുണ്ട്.
