ഡൽഹി : രാജ്യത്ത് 63 ജെ എൻ.1 കോവിഡ് കേസുകൾ കൂടി റിപ്പോർട്ട് ചെയ്തതായി കേന്ദ്ര ആരോഗ്യ മന്ത്രാലയം അറിയിച്ചു. 63 കേസുകളിൽ 34 എണ്ണം ഗോവയിൽ നിന്നും ഒമ്പത് എണ്ണം മഹാരാഷ്ട്രയിൽ നിന്നും എട്ട് എണ്ണം കർണാടകയിൽ നിന്നും ആറ് എണ്ണം കേരളത്തിൽ നിന്നും നാല് തമിഴ്‌നാട്ടിൽ നിന്നും രണ്ട് തെലങ്കാനയിൽ നിന്നുമുള്ളതാണെന്ന് മന്ത്രാലയം പ്രസ്താവനയിൽ പറയുന്നു. അതേസമയം ഞായറാഴ്ച രാജ്യത്തെ കേസുകളുടെ എണ്ണം 3,742 ആയിരുന്നുവെങ്കിൽ തിങ്കളാഴ്ച അത് 4,054 ആയി ഉയർന്നതായി കേന്ദ്ര ആരോഗ്യ മന്ത്രാലയത്തിന്റെ പത്രക്കുറിപ്പിൽ വ്യക്തമാക്കുന്നു.കോവിഡിന്റെ ഉപ വഭേദമായ ജെഎൻ.1 ആദ്യമായി കണ്ടെത്തിയത് കേരളത്തിലാണ്. ഒരു മരണവും റിപ്പോർട്ട് ചെയ്തിട്ടുണ്ട്. ഇതോടെ കോവിഡിനെ തുടർന്ന് രാജ്യത്താകെ മരിച്ചവരുടെ എണ്ണം 5,33,334 ആയി ഉയർന്നു.
