ബജറ്റിന് പിന്നാലെ തളര്‍ന്ന ഓഹരി വിപണി കരകയറിയില്ല

മുംബൈ: ഇന്ത്യന്‍ ഓഹരി വിപണിയില്‍ വന്‍ ഇടിവ്. മുംബൈ ഓഹരി സൂചികയായ സെന്‍സെക്സില്‍ മാത്രം 800 പോയിന്‍റിന്‍റെ ഇടിവാണ് രേഖപെടുത്തിയത്. വ്യാപാരം അവസാനിക്കുമ്പോള്‍ 39000 അടുത്താണ് മുംബൈ ഓഹരി സൂചിക. ദേശീയ ഓഹരി സൂചികയായ നിഫ്റ്റിയിലും കനത്ത നഷ്ടം ഉണ്ടായി. തിങ്കളാഴ്ച വിപണി വ്യാപാരം അവസാനിക്കുമ്പോള്‍ നിഫ്റ്റി 252 പോയിന്‍റ്  ഇടിഞ്ഞ് 11600 ലാണ്.

ഓട്ടോ, ബാങ്കിംഗ്, ധനകാര്യ, മീഡിയ, മെറ്റല്‍ ഓഹരികളില്‍ വന്‍ ഇടിവുണ്ടായി. ബജാജ് ഫിന്‍സീവിന്‍റെ ഓഹരികളില്‍ 10 ശതമാനത്തിന്‍റെ ഇടിവാണുണ്ടായത്. ഹിറോ മോട്ടോകോര്‍പ്പിനും നഷ്ടമുണ്ടായി.

അതേസമയം യെസ് ബാങ്ക്, ടി സി എസ്, ജെ എസ് ഡബ്യു, എച്ച് സി എല്‍ ടെക്ക് എന്നിവയുടെ ഓഹരികള്‍ ലാഭത്തിലാണ് തിങ്കളാഴ്ച വിപണിയില്‍ വ്യാപാരം അവസാനിപ്പിച്ചത്. കേന്ദ്ര ബജറ്റ് പ്രഖ്യാപിച്ചതിനു പിന്നാലെയാണ്  ഓഹരിവിപണി കനത്ത നഷ്ടത്തിലേക്ക് കൂപ്പുകുത്തിയത്.

11 RDads Place Your ads small

Avatar

News Editor

Read Previous

സീതത്തോട് കക്കാട്ടാറ്റിൽ കുളിക്കാനിറങ്ങി കാണാതായ തൊഴിലാളിയുടെ മൃതദേഹം കിട്ടി

Read Next

കോട്ടയം മണിമലയിൽ ഭർത്താവ് ഭാര്യയെ തീ കൊളുത്തി കൊന്നു

error: Content is protected !!