ഷൈജു ദാമോദരൻ ന്യൂഏജ് ഐകൺ ഓൺലൈൻ സൂപ്പർസ്റ്റാർ

 

കൊച്ചി: ഷൈജു ദാമോദരൻ മലയാളത്തിൻ്റെ ഓൺലൈൻ സൂപ്പർസ്റ്റാർ.
നാലേമുക്കാൽ ലക്ഷത്തിലേറെ പേർ പങ്കാളികളായ വോട്ടിങിൽ ആദ്യ ഘട്ടം മുതൽ മുന്നിൽ നിന്ന ഷൈജു ദാമോദരൻ ഒരു പഴുതും നൽകാതെയാണ് മലയാളത്തിന്റെ ഓൺലൈൻ സൂപ്പർ സ്റ്റാറായി തെരെഞ്ഞെടുക്കപ്പെട്ടത്. ഗ്യാലറികളെയും, ടിവി പ്രേക്ഷകരെയും ത്രസിപ്പിക്കുന്ന കേരളത്തിൻ്റെ സ്റ്റാർ സ്പോർട്സ് കമൻ്റേറ്റർ ഓൺലൈൻ ഐക്കൺ സീരീസിലെ ജനപിന്തുണയിലും വിസ്മയിപ്പിച്ചു.
ശനിയാഴ്ച വൈകിട്ട് ഓൺലൈനിൽ ലൈവ് ഷോയിൽ ആണ് വിജയികളെ പ്രഖ്യാപിച്ചത്.
മലയാളം ഡിജിറ്റൽ – ഓൺലൈൻ രംഗത്തെ തിളക്കമാർന്ന വ്യക്തികൾ, സ്ഥാപനങ്ങൾ, സംഘടനകൾ, മുൻകൈകൾ എന്നിവ കണ്ടെത്തുന്നതിനായാണ് സീരീസ് സംഘടിപ്പിച്ചത്.
മെറ്റ്ബീറ്റ് വെതർ, സിംപിൾ ടിപ്സ് മലയാളം, ലെറ്റ് ഗോ ഫോർ എ ക്യാംപ്, അമ്മച്ചിസ് അടുക്കള എന്നിവരാണ് അവസാന റൗണ്ടിലെത്തിയ മറ്റ് ഓൺലൈൻ താരങ്ങൾ.
കാൽ ലക്ഷം പേർ നിർദേശിച്ച 721 ഐകണുകളിൽ നിന്നായിരുന്നു സീരീസിൻ്റെ തുടക്കം. കൂടുതൽ പേർ നിർദേശിച്ച 100 പേരുടെ സ്റ്റാർ 100 പട്ടിക ആദ്യം പുറത്തു വിട്ടു. തുടർന്ന് സുപ്പർ 50, ക്ലബ് 25, ഡയമണ്ട് 10, പ്ലാറ്റിനം 5 പട്ടികകളും.
പത്തു ലക്ഷത്തിലേറെ പേർ വ്യത്യസ്ത പ്ലാറ്റ്ഫോമുകളിലൂടെ സീരീസിൽ പങ്കാളികളായി.
റേറ്റിങ്, ലിസ്റ്റിങ്, പോർട്ഫോളിയോ മാനേജ്മെൻറ് എന്നീ ലക്ഷ്യങ്ങളോടെ രൂപം കൊടുത്ത ന്യുഏജ്
ഐകണിലെ ആറാമത്തെ സീരീസ് ആണ് പൂർത്തിയായത്. newageicon.in എന്ന പ്ലാറ്റ് ഫോമിലാണ് സീരീസ് ഒരുക്കിയത്.
ഈ സീരീസിലെ ഉൾക്കാഴ്ചകൾ സമാഹരിച്ച ഇ- ഡോക്യുമെൻ്റ് അടുത്തയാഴ്ച പുറത്തിറക്കും. മലയാളത്തിൻ്റെ ഡിജിറ്റൽ ഇടത്തിലെ പ്രേക്ഷക മനശാസ്ത്രം മനസിലാക്കുക, ഓൺലൈൻ രംഗത്തേക്ക് കടന്ന് വരുന്നവർക്ക് മാർഗനിർദേശം നൽകുക, ഓൺലൈൻ രംഗത്തെ മികവിൻ്റെ മാനദണ്ഡം കണ്ടെത്തുക, വിജയ രസതന്ത്രം വിശകലനം ചെയ്യുക എന്നീ ലക്ഷ്യങ്ങളോടെയാണ് ഓൺലൈൻ സൂപ്പർസ്റ്റാർ സീരീസ് ഒരുക്കിയത്.
മലയാളത്തിലെ ഏറ്റവും വലിയ റേറ്റിങ്, ലിസ്റ്റിങ് പ്ലാറ്റ് ഫോമാണ് ന്യൂഏജ് ഐക്കൺ.

 

Read Previous

ഇനി ചാനൽ ചർച്ചകളിൽ കോൺഗ്രസിനെ നയിക്കാൻ 31 നേതാക്കളുടെ പട്ടികയുമായി കെ പി സി സി

Read Next

ഓഫീസ് ജീവനക്കാരന് കോവിഡ് സ്ഥിരീകരിച്ചു; ഡി വൈ എഫ് ഐ സംസ്ഥാന കമ്മറ്റി ഓഫീസ് അടച്ചു, എ.എ.റഹീം അടക്കം ആറ് പേർ ക്വാറന്റീനിൽ

error: Content is protected !!