ബെയ്ജിങ്: തലമുറകളായി ചൈനയുടെ ഏറ്റവും ശക്തനായ നേതാവായി മാറിയ ഷി ജിന്പിംഗിന്റെ സത്യപ്രതിജ്ഞ ഇന്ന്. ഇത് മൂന്നാം തവണയാണ് അദ്ദേഹം ചൈനയുടെ പ്രസിഡന്റായി അധികാരമേല്ക്കുന്നത്. താരതമ്യേന അധികം അറിയപ്പെടാതിരുന്ന ഒരു പാര്ട്ടിയെ ആഗോള തലത്തില് എത്തിക്കാന് ശ്രമിച്ച നേതാവാണ് ഷി ജിന്പിംഗ്. ഈ വളര്ച്ച എത്തിനില്ക്കുന്നത് അദ്ദേഹത്തിന്റെ സത്യപ്രതിജ്ഞയിലാണ്.
ചൈനീസ് രാഷ്ട്രീയത്തിലെ രണ്ട് സുപ്രധാന സ്ഥാനങ്ങളായ കമ്മ്യൂണിസ്റ്റ് പാര്ട്ടിയുടെയും (സിസിപി) സൈന്യത്തിന്റെയും തലവനായി അദ്ദേഹം പ്രവര്ത്തിച്ച് വരുകയായിരുന്നു. എന്നാല് 69-കാരനായ ഷി ചില വെല്ലുവിളികളെ അഭിമുഖീകരിച്ചിരുന്നു. അദ്ദേഹത്തിന്റെ സീറോ-കോവിഡ് നയത്തെച്ചൊല്ലിയുള്ള പ്രതിഷേധങ്ങളില് നിരവധി പേരാണ് മരിച്ചത്. എന്നാല് നാഷണല് പീപ്പിള്സ് കോണ്ഗ്രസില് (എന്പിസി) ഈ പ്രശ്നങ്ങള് ചര്ച്ച ചെയ്തതേ ഇല്ല. കാരണം വളരെ ശ്രദ്ധാപൂര്വ്വം നടത്തിയ ഒരു സമ്മേളനമായിരുന്നു അത്. ലി ക്വിയാംഗിനെ പുതിയ പ്രധാനമന്ത്രിയായി നിയമിക്കുന്നതിനും യോഗത്തില് തീരുമാനമായി.