ലണ്ടന്: നിയുക്ത ബ്രിട്ടീഷ് പ്രധാനമന്ത്രി ഋഷി സുനക്ക് ഓരോ ഇന്ത്യക്കാര്ക്കും അഭിമാനമാണെന്ന് മുന് ബ്രിട്ടീഷ് പാര്ലമെന്റ് മാഞ്ചസ്റ്റര് എം .പി സ്ഥാനാര്ത്ഥിയും കണ്സര്വേറ്റീവ് പാര്ട്ടി മെമ്പറുമായ Dr ലക്സണ് ഫ്രാന്സിസ് കല്ലുമാടിക്കല് പറഞ്ഞു. ആദ്യമായാണ് ബ്രിട്ടീഷ് പ്രധാനമന്ത്രി സ്ഥാനം ഒരു ഇന്ത്യക്കാരന് കൈവരിക്കുന്നത്. ഇത് ഒരു ചരിത്ര മുഹൂര്ത്തമാണ്. ഓരോ ഇന്ത്യക്കാരനും ബ്രിട്ടനില് കിട്ടുന്ന ഏറ്റവും വലിയ ആദരവ് കൂടിയാണ്. മറ്റൊരര്ത്ഥത്തില് ഇത് ഇന്ത്യക്കാരന് ലോകം തരുന്ന ഒരു ആദരവ് കൂടിയാണെന്ന് ലക്സണ് ഫ്രാന്സിസ് പറഞ്ഞു.
2017ല് ബ്രിട്ടീഷ് പാര്ലമെന്റില് മാഞ്ചസ്റ്ററില് നിന്ന് എം.പി സ്ഥാനാര്ത്ഥിയായി മത്സരിക്കാന് സാധിച്ചു എന്നുള്ളത് എനിക്കും വളരെയധികം അഭിമാനമുണ്ടായിരുന്ന ഒരു സുദിനം കൂടി ആയിരുന്നു. ഇന്നും എന്നും ഞാന് അതില് അഭിമാനിക്കുന്ന ഒരു കാര്യമാണ്. കേരളത്തില് ജനിച്ച വളര്ന്ന ഞാന് 2017 ല് ബ്രിട്ടീഷ് പാര്ലമെന്റില് എം .പി സ്ഥാനാര്ത്ഥിയായി മത്സരിച്ചു ചരിത്രം കുറിച്ചു എന്നത് ജീവിതത്തില് എന്നും അഭിമാനത്തിന്റെ നിമിഷമാണ്.
ഇതുതന്നെയാണ് 2015 ല് ബ്രിട്ടീഷ് പാര്ലമെന്റ് എം.പിയായി ആദ്യമായി മത്സരിച്ച നിയുക്ത പ്രധാനമന്ത്രി ഋഷി സുനക്ക് പ്രധാനമന്ത്രിയാകുന്നതിന്റെ തുടക്കം കുറിച്ചത്. ഞാന് എം.പിയായി മത്സരിച്ചപ്പോള് ലോകമെമ്പാടുമുള്ള മലയാളികള് എന്റെ സ്ഥാനാര്ത്ഥത്തില് അന്ന് അഭിമാനിച്ചു. ചരിത്രത്തില് ഒരു മലയാളി ബ്രിട്ടീഷ് പാര്ലമെന്റില് മത്സരിക്കുന്നത് ആദ്യമായിട്ടാണ്. അതിനുള്ള ഭാഗ്യം അന്ന് ദൈവം എനിക്ക് നല്കി.
ഇന്ന് ഇതേ ഭാഗ്യമാണ് നിയുക്ത ബ്രിട്ടീഷ് പ്രധാനമന്ത്രി ഋഷി സുനക്ക് അനുഭവിക്കുന്നത്. ഓരോ ഇന്ത്യക്കാരനും ഇത് അഭിമാനത്തിന്റെ നിമിഷം കൂടിയാണ്. ഇന്ത്യക്കാര്ക്ക് ലോകത്തുള്ള വില വളരെ വലുതാണ് എന്നുള്ളതാണ് ഇതില് നിന്ന് നമ്മള് മനസ്സിലാക്കേണ്ടത്. ഓരോ ഇന്ത്യക്കാരനും ഇതൊരു ആഘോഷമാക്കി മാറ്റണം. ഭാവിയില് ഒരു മലയാളി ബ്രിട്ടീഷ് പ്രധാനമന്ത്രി ആകാനുള്ള സാധ്യത നമ്മള്ക്ക് തള്ളിക്കളയാന് സാധിക്കില്ല. അതിനായി നമുക്ക് എല്ലാവര്ക്കും കാത്തിരിക്കാം എന്ന് Dr ലക്സണ് ഫ്രാന്സിസ് കല്ലുമാടിക്കല് പറഞ്ഞു .