ടെല് അവീവ്: ആധുനിക കൃഷി രീതികള് പഠിക്കാന് സംസ്ഥാന സര്ക്കാര് ഇസ്രയേലിലേക്ക് കൊണ്ടു പോയ സംഘത്തില് നിന്ന് കാണാതായ, ഇടുക്കി ഇരുട്ടി സ്വദേശി ബിജു കുര്യന് തിങ്കളാഴ്ച കേരളത്തില് തിരിച്ചെത്തും. ഞായറാഴ്ച ഉച്ചക്ക് ടെല് അവീവ് വിമാനത്താവളത്തില് നിന്ന് ബിജു കുര്യന് കേരളത്തിലേക്ക് പുറപ്പെടുമെന്നാണ് വിവരം. ഹിന്ദു ദിനപത്രമാണ് ഇക്കാര്യം റിപ്പോര്ട്ട് ചെയ്തത്.
സംഘത്തില്നിന്ന് ഫെബ്രുവരി 16ന് രാത്രി ഏഴുമണിയോടെയാണ് ടെല് അവീവിനടുത്ത് സ്ഥിതി ചെയ്യുന്ന ഹെര്സ്ലിയ നഗരത്തില് നിന്നാണ് ഇയാളെ കാണാതായത്. ഇസ്രയേലിലെ പുണ്യസ്ഥലങ്ങള് സന്ദര്ശിക്കാനാണ് ബിജു, പ്രതിനിധി സംഘത്തില്നിന്ന് മുങ്ങിയതെന്നാണ് റിപ്പോര്ട്ട്. ബിജു ജെറുസലേമിലും ബത്ലഹേമിലും സന്ദര്ശനം നടത്തി. ബെത്ലഹേമില് ഒരു ദിവസം ചെലവഴിച്ച ശേഷം തിരികെ സംഘത്തിനൊപ്പം ചേരാമെന്നാണ് കരുതിയിരുന്നത്. എന്നാല് അപ്പോഴേക്കും കൃഷി പഠിക്കാനെത്തിയ പ്രതിനിധി സംഘം കേരളത്തിലേക്ക് മടങ്ങിയിരുന്നു.