പ്രതിപക്ഷ നേതാവ് വിഡി സതീശനായി കോട്ടയത്ത് ഫ്ളക്സുകള്. ശശി തരൂരിന്റെ പ്രചാരണ ബോര്ഡില് നിന്ന് ഒഴിവാക്കിയതിന് പിന്നാലെയാണ് സതീശന് അനുകൂലമായുള്ള ഫ്ളക്സുകള് പ്രത്യക്ഷപ്പെട്ടിരിക്കുന്നത്. തരൂരെത്തുന്ന ഈരാറ്റുപേട്ടയില് വ്യപകമായി ഫ്ളക്സുകള് സ്ഥാപിച്ചിട്ടുണ്ട്. വിചാര് വിഭാഗം ഈരാറ്റുപേട്ട മണ്ഡലം കമ്മിറ്റിയുടെ പേരിലാണ് സതീശന് അഭിവാദ്യം അര്പ്പിച്ചുകൊണ്ടുള്ള ഫ്ളക്സുകള്.
ശശി തരൂരിന്റെ മലബാര് പര്യടനം കോണ്ഗ്രസ് നേതാക്കള് തമ്മിലുള്ള വാക്പോരുകള്ക്കായിരുന്നു വഴിവെച്ചത്. ഇതിനു പിന്നാലെ പലയിടത്തും യൂത്ത് കോണ്ഗ്രസ് അടക്കം നടത്തുന്ന പരിപാടിയുടെ ഫ്ളക്സ് ബോര്ഡുകളില് നിന്നും പ്രതിപക്ഷ നേതാവ് അടക്കമുള്ള നേതാക്കളെയും ഒഴിവാക്കിയത് ചര്ച്ചയായിരുന്നു.
കോട്ടയത്ത് ശശി തരൂര് പങ്കെടുക്കുന്ന പരിപാടിയുടെ ഫ്ളക്സ് ബോര്ഡില് നിന്നും വി ഡി സതീശന്റെ പേരും ചിത്രവും ഒഴിവാക്കിയിരുന്നു. ഇതിന് പിന്നാലെയാണ് ജില്ലയില് സതീശനായി ഫ്ളക്സുകള് പ്രത്യക്ഷപ്പെട്ടത്.
അതേസമയം സമാന്തര പരിപാടി പാടില്ലെന്ന് തരൂരിന് കെപിസിസി അച്ചടക്ക സമിതി നിര്ദേശം നല്കി. പാര്ട്ടി ചട്ടക്കൂടിനുള്ളില് നിന്ന് തരൂരിന് പരിപാടികളില് പങ്കെടുക്കാം. ബന്ധപ്പെട്ട പാര്ട്ടി ഘടകങ്ങളുടെ അനുമതിയോടെ മാത്രമേ പരിപാടികളില് പങ്കെടുക്കാവൂ. ബന്ധപ്പെട്ട എല്ലാവരെയും നിര്ദേശം അറിയിച്ചുവെന്നും തിരുവഞ്ചൂര് രാധാകൃഷ്ണന് അറിയിച്ചു. തിരുവഞ്ചൂര് രാധാകൃഷ്ണന്റെ അദ്ധ്യക്ഷതയില് ചേര്ന്ന സംസ്ഥാന അച്ചടക്ക സമിതിയിലാണ് തീരുമാനമുണ്ടായത്.