എറണാകുളം ജില്ലയില് പ്രവര്ത്തനം ആരംഭിച്ച സ്കൂളുകള് അടക്കേണ്ടതില്ലെന്ന് എറണാകുളം ജില്ലാ കലക്ടര് ഡോ. രേണു രാജ്. മഴ തുടരുന്നതിനാലും അപകടങ്ങള് ഒഴിവാക്കുന്നതിനുമാണ് അവധി പ്രഖ്യാപിച്ചത്. സ്കൂളുകളിലെത്തിയ വിദ്യാര്ത്ഥികളെ തിരിച്ചയക്കേണ്ടതില്ലെന്നും കലക്ടര് അറിയിച്ചു. കലക്ടറുടെ ഔദ്യോഗിക ഫേസ്ബുക്ക് പേജിലൂടെയാണ് പ്രഖ്യാപനം.
സംസ്ഥാനത്തെ വിവിധ ഭാഗങ്ങളില് കനത്ത മഴ പെയ്യുന്ന സാഹചര്യത്തില് വിവിധ പ്രദേശങ്ങളില് ഇന്ന് വിദ്യാഭ്യാസ സ്ഥാപനങ്ങള്ക്ക് ഇന്ന് അവധി പ്രഖ്യാപിച്ചിരിക്കുകയാണ്. എറണാകുളം, തൃശൂര് ജില്ലകളില് മുഴുവനായും, കൊല്ലം, കാസര്ഗോഡ് ജില്ലകളില് ചില ഭാഗങ്ങളിലുമാണ് അവധി.
കലക്ടറുടെ ഫേസ്ബുക്ക് പോസ്റ്റ്:
രാത്രിയില് ആരംഭിച്ച മഴ ഇപ്പോഴും നിലക്കാതെ തുടരുന്നതിനാലും അപകടങ്ങള് ഒഴിവാക്കുന്നതിനുമാണ് അവധി പ്രഖ്യാപിച്ചത്. ഇതിനകം പ്രവര്ത്തനം ആരംഭിച്ച സ്കൂളുകള് അടക്കേണ്ടതില്ല. സ്കൂളുകളിലെത്തിയ വിദ്യാര്ത്ഥികളെ തിരിച്ചയക്കേണ്ടതില്ലെന്നും അറിയിക്കുന്നു.
