കോഴിക്കോട്: അമ്മയും കുഞ്ഞും കിണറ്റില്‍ മരിച്ച നിലയില്‍. കോഴിക്കോട് വട്ടോളിയിലാണ് സംഭവം. മണിയൂര്‍ താഴെ വിസ്മയ(24)യെയാണ് ഏഴു മാസം പ്രായമുള്ള കുഞ്ഞിനൊപ്പം മരിച്ച നിലയില്‍ കണ്ടെത്തിയത്. ഇന്ന് രാവിലെ വിസ്മയ കുഞ്ഞിനെയുമെടുത്ത് കിണറ്റില്‍ ചാടുകയായിരുന്നു എന്നാണ് വിവരം.
നാദാപുരം അഗ്‌നി രക്ഷാ നിലയത്തില്‍ നിന്നും ഫയര്‍ഫോഴ്സ് എത്തിയാണ് അമ്മയെയും ഏഴുമാസം പ്രായമായ കുഞ്ഞിനെയും കിണറ്റില്‍ നിന്ന് പുറത്തെടുത്തത്. മൃതദേഹങ്ങള്‍ കുറ്റ്യാടി ഗവണ്‍മെന്റ് ആശുപത്രിയില്‍ സൂക്ഷിച്ചിരിക്കുകയാണ്. കുടുംബ പ്രശ്നമാണ് മരണ കാരണമെന്നാണ് സൂചന.
