മലബാറിസിന്റെ അക്രമം നോക്കി നിന്ന കളമശ്ശേരി എസ്ഐ എബിവിപി ക്കാരനെന്ന് എസ് എഫ് ഐ, പരാതിയിൽ നിന്ന് ശ്രദ്ധതിരിക്കാൻ ഫോൺ സംഭാഷണം റെക്കോർഡ് ചെയ്ത് പ്രചരിപ്പിച്ചു

മലബാറിസിന്റെ അക്രമം നോക്കി നിന്ന എസ്ഐ നടപടി ഭയന്നാണ് ഫോൺ വിളി വിവാദമാക്കിയതെന്ന് എസ് എഫ് ഐ ജില്ലാ കമ്മിറ്റി.
കൊച്ചി ശാസ്ത്ര സാങ്കേതിക സർവ്വകലാശാല (CUSAT) യൂണിയൻ തെരഞ്ഞെടുപ്പിൽ എസ് എഫ് ഐ മുഴുവൻ സീറ്റുകളിലേക്കും വിജയിച്ച് കയറിയത്.
തെരഞ്ഞെടുപ്പ് ഫലപ്രഖ്യാപനത്തിന് ശേഷം ‘മലബാറീസ്’ എന്ന പേരിൽ ക്യാമ്പസിലുള്ള അരാഷ്ട്രീയ ഗ്യാങ്ങിന്റെ നേതൃത്ത്വത്തിൽ വലിയ ആക്രമണമാണ് നടന്നതെന്നും ക്യാമ്പസിൽ SFI പ്രവർത്തകർക്ക് നേരെയും, സ്റ്റുഡന്റ്സ് യൂണിയൻ ഓഫീസിന് നേരെയും അക്രമം അരങ്ങേറിയെന്നും SFI നേതാക്കൾ പറയുന്നു. ഇതിന്റെ CCTV ദൃശ്യങ്ങൾ സർവ്വകലാശാല അധികാരികൾ പരിശോധിക്കണമെന്നും പോലീസിന് കൈമാറണമെന്നും SFI ആവശ്യപ്പെട്ടിട്ടുണ്ട്. എസ്.ഐ അക്രമിക്കുന്നത് കണ്ട് രസിക്കുകയായിരുന്നന്നും എബിവിപി നേതാവായിരുന്ന എസ്ഐക്കെതിരെ നടപടി വേണമെന്നും

എസ് എഫ് ഐ ആവശ്യപ്പെട്ടു.

പ്രസ്ഥാവന ഇങ്ങനെ

എസ് എഫ് ഐ എറണാകുളം ജില്ലാ കമ്മറ്റി പുറപ്പെടുവിക്കുന്ന പ്രസ്ഥാവന.

ഇടത് വിരോധത്തിലൂന്നി യാഥാർത്ഥ്യം വളച്ചൊടിക്കുന്നവരോടാണ്, നിങ്ങളുടെ നുണപ്രചരങ്ങൾക്ക് നീണ്ട ആയുസ്സുണ്ടാകുമെന്ന് ധരിക്കരുത്.

സെപ്റ്റമ്പർ 2 ന് കൊച്ചി ശാസ്ത്ര സാങ്കേതിക സർവ്വകലാശാല (CUSAT) യൂണിയൻ തെരഞ്ഞെടുപ്പിൽ വലിയ ഭൂരിപക്ഷത്തിലാണ് എസ് എഫ് ഐ മുഴുവൻ സീറ്റുകളിലേക്കും വിജയിച്ച് കയറിയത്.
തെരഞ്ഞെടുപ്പ് ഫലപ്രഖ്യാപനത്തിന് ശേഷം ‘മലബാറീസ്’ എന്ന പേരിൽ ക്യാമ്പസിലുള്ള അരാഷ്ട്രീയ ഗ്യാങ്ങിന്റെ നേതൃത്ത്വത്തിൽ വലിയ ആക്രമണമാണ് ക്യാമ്പസിൽ SFI പ്രവർത്തകർക്ക് നേരെയും, സ്റ്റുഡന്റ്സ് യൂണിയൻ ഓഫീസിന് നേരെയും അരങ്ങേറിയത്.(CCTV ദൃശ്യങ്ങൾ സർവ്വകലാശാല അധികാരികൾ പരിശോധിക്കണമെന്നും പോലീസിന് കൈമാറണമെന്നും SFI ഇതിനോടകം ആവശ്യപ്പെട്ടിട്ടുണ്ട്).
സർവ്വകലാശാലയിൽ നിന്ന് സസ്പ്പെന്റ് ചെയ്യപ്പെട്ട വിദ്യാർത്ഥികളാണ് ആക്രമണത്തിന് നേതൃത്ത്വം നൽകിയവരിൽ പലരും.

കുസാറ്റ് ക്യാമ്പസിൽ കഴിഞ്ഞ കാലങ്ങളിൽ മലബാറീസ് എന്ന ഗ്യാങ്ങിന്റെ നേതൃത്ത്വത്തിൽ പലകുറി അക്രമസംഭവങ്ങൾ അരങ്ങേറിയിട്ടുണ്ട്, സർവ്വകലാശാല അധികാരികൾ പലപ്പോഴായി അച്ചടക്ക നടപടികളും സ്വീകരിച്ചിട്ടുള്ളതാണ്. എന്നാൽ ഇക്കൂട്ടരുടെ ക്യാമ്പസിലെ അരാജക പ്രവണതകൾക്ക് പലപ്പോഴായി ഇതര വിദ്യാർത്ഥി സംഘടനകൾ നൽകിയിട്ടുള്ള പിന്തുണയെ സംബന്ധിച്ച് പൊതുവിദ്യാർത്ഥികൾക്കിടയിൽ മുമ്പും പ്രതിഷേധമുയർന്നിട്ടുള്ളതാണ്.

തെരഞ്ഞെടുപ്പിന് ശേഷം ക്യാമ്പസിൽ എസ് എഫ് ഐ പ്രവർത്തകർക്ക് നേരെ മാരകമായ അക്രമണം നടക്കുമ്പോൾ ക്രമസമാധാനം ഉറപ്പ് വരുത്താൻ ചുമതലയുള്ള കളമശ്ശേരി SI ശ്രീ അമൃത് രംഗൻ എസ് എഫ് ഐ പ്രവർത്തകർ ആക്രമിക്കപ്പെടുന്നത് കണ്ടാസ്വധിക്കുകയാണുണ്ടായത്.
തെരഞ്ഞെടുപ്പ് പ്രവർത്തനങ്ങൾക്ക് നേതൃത്ത്വം കൊടുക്കാൻ ക്യാമ്പസിലുണ്ടായിരുന്ന SFI ജില്ലാ പ്രസിഡന്റ് സ: അമൽ ജോസ് വിഷയത്തിലിടപെടാൻ ആവശ്യപ്പെട്ടെങ്കിലും, സഖാവിനെ കഴുത്തിന് കുത്തിപ്പിടിച്ച് ജീപ്പിനുള്ളിലേക്കിടാനും, പോലീസ് ജീപ്പിനുള്ളിലിട്ട് ക്രൂരമായ് മർദ്ദിക്കാനുമാണ് SI തയ്യാറായത്, മർദ്ദനത്തിനൊടുവിൽ സഖാവിനെ അമിനിറ്റി സെന്ററിന് മുന്നിലെ റോഡിൽ തള്ളിയിട്ട് ജീപ്പെടുത്ത് പോകുന്ന സാഹചര്യമാണുണ്ടായത്. സ: അമൽ ജോസ് കളമശ്ശേരി മെഡിക്കൽ കോളേജിൽ ചികിത്സ തേടുകയും ബന്ധപ്പെട്ട ഇടങ്ങളിൽ പരാതി നൽകുകയും ചെയ്തിട്ടുള്ളതാണ്.

കോലഞ്ചേരി സെന്റ് പീറ്റേഴ്സ് കോളേജിലെ മുൻ ABVP യൂണിറ്റ് സെക്രട്ടറിയും, സജീവ സംഘപരിവാർ പ്രവർത്തകനുമായിരുന്ന SI അമൃത് രംഗൻ ഇടത് വിരോധവും SFI വിരുദ്ധ മാനസികാവസ്ഥയും കൃത്യനിർവ്വഹണത്തിന്റെ ഘട്ടത്തിൽ പ്രകടിപ്പിക്കുകയുമാണുണ്ടായത്.
ഇതേ മാനസികാവസ്ഥയുടെ തുടർച്ചയാണ് വിഷയമന്വേഷിക്കാൻ ബന്ധപ്പെട്ട CPIM കളമശ്ശേരി ഏരിയ സെക്രട്ടറി സ: സക്കീർ ഹുസൈനെ പ്രകോപിപ്പിക്കുകയും, തനിക്കെതിരെയുള്ള പരാതിയിൽ നിന്ന് ശ്രദ്ധതിരിക്കാൻ ഫോൺ സംഭാഷണം റെക്കോർഡ് ചെയ്ത് പ്രചരിപ്പിക്കുകയും ചെയ്തിട്ടുള്ളത്.

യാഥാർത്ഥ്യത്തിൽ നിന്ന് ശ്രദ്ധ തിരിക്കാനുള്ള ഇത്തരം പൊടികൈകൾ തിരിച്ചറിയണമെന്നഭ്യർത്ഥിക്കുന്നു.
കൃത്യനിർവ്വഹണത്തിൽ വലിയ വീഴച്ച വരുത്തിയ SI അമൃത് രംഗനെതിരെ നടപടിയെടുക്കണമെന്ന് SFI ജില്ലാ കമ്മറ്റി പ്രസ്ഥാവനയിലൂടെ ആവശ്യപ്പെടുന്നു.

Avatar

News Editor

Read Previous

ഡി കെ ശിവകുമാറിനെ ഈ മാസം 13 വരെ റിമാൻഡ് ചെയ്തു

Read Next

നെയ്യാർ ഡാമിന്റെ ഷട്ടറുകൾ ഇന്ന് രണ്ട് ഇഞ്ച് കൂടി ഉയർത്തും

error: Content is protected !!