തിരുവനന്തപുരം: സെക്രട്ടറിയേറ്റില് ജോലി വാഗ്ദാനം ചെയ്ത് 81 ലക്ഷം തട്ടിയ മുന് സെക്രട്ടറിയേറ്റ് ജീവനക്കാരന് അറസ്റ്റില്. മലയന്കീഴ് സ്വദേശി ഷൈജിന് ബ്രിട്ടോയാണ് അറസ്റ്റിലായിരിക്കുന്നത്. രാമപുരം സ്വദേശിയുടെ ജിതിന്റെ കൈയ്യില് നിന്നും പണം തട്ടിയെന്നതാണ് ഇയാള്ക്കെതിരെയുളള കേസ്. സെക്രട്ടറിയേറ്റ് അസിസ്റ്റന്റ് തസ്തികയിലേക്ക് ജോലി വാങ്ങിത്തരാമെന്നായിരുന്നു വാഗ്ദാനം. ഷൈജിന് നല്കിയ വാഗ്ദാനത്തില് വിശ്വസിച്ച് 2021 ഏപ്രില് 21 മുതല് 2022 ഫെബ്രുവരി ഏഴ് വരെ പല ഘട്ടങ്ങളായാണ് പണം കൊടുത്തത്.
ഷൈജിനും ഭാര്യ രാജി തോമസും ചേര്ന്ന് ജിതിന്റെ പക്കല് നിന്നും പണം വാങ്ങിയ ശേഷം ചില വ്യാജ രേഖകള് നല്കി ജോലി നല്കാതെ ചതിച്ചെന്നാണ് ഷൈജിന്റെ അമ്മ അംബികയുടെ പരാതിയില് പറയുന്നത്.ബാലരാമപുരം പൊലീസാണ് കേസെടുത്തത്.